چینی سفیر کی جانب سے ارشد ندیم کو مبارکباد

پاکستان میں متعین چینی سفیر جیانگ ژی ڈونگ نے پیرس اولمپکس 2024 میں جیولن تھرو مقابلے میں گولڈ میڈل جیتنے پر ارشد ندیم اور پاکستانی قوم کو دلی مبارکباد پیش کی۔ انہوں نے اپنے بیان میں کہا کہ ارشد ندیم کی شاندار کامیابی نے نہ صرف پاکستان بلکہ بین الاقوامی سطح پر بھی ایک تاریخ رقم کی ہے۔چینی سفیر نے ارشد ندیم کی اس عظیم کامیابی پر خوشی کا اظہار کرتے ہوئے کہا، "40 سال بعد اولمپکس گولڈ میڈل اور جیولن فائنل میں نیا اولمپکس ریکارڈ بنانے پر مبارکباد پیش کرتے ہیں۔ ارشد ندیم نے 92.97 میٹر کی تھرو کے ساتھ نیا اولمپک ریکارڈ قائم کیا،
جس پر پورے پاکستان کے عوام کو فخر ہونا چاہیے۔”جیانگ ژی ڈونگ نے مزید کہا کہ ارشد ندیم کی اس شاندار کامیابی پر پاکستانی بھائی بہنوں کو دلی مبارکباد دیتے ہیں۔ ارشد ندیم 40 سال بعد اولمپکس میں گولڈ میڈل جیتنے والے پہلے پاکستانی کھلاڑی ہیں، جو نہ صرف پاکستان بلکہ پوری دنیا کے لیے ایک مثال بن گئے ہیں۔
چینی سفیر نے اس موقع پر کہا کہ ارشد ندیم کی اس کامیابی سے پاک چین دوستی مزید مضبوط ہوگی، اور اس سے دونوں ممالک کے عوام کے درمیان محبت اور بھائی چارے کا رشتہ مزید گہرا ہوگا۔ارشد ندیم کی اس تاریخی کامیابی پر پوری قوم جشن منا رہی ہے، اور ان کی محنت، عزم اور لگن کی بدولت پاکستان نے ایک بار پھر عالمی سطح پر اپنا لوہا منوایا ہے۔ ارشد ندیم نے نہ صرف پاکستان بلکہ دنیا بھر کے کھیلوں کے شائقین کے دلوں میں اپنی جگہ بنالی ہے۔