چنیوٹ ،باغی ٹی وی(نامہ نگار)پیس ویلفیئر آرگنائزیشن کے زیرِ اہتمام فری میڈیکل کیمپ کا انعقاد
تفصیل کے مطابق چنیوٹ میں پسماندہ اور محروم طبقات کو صحت کی بنیادی سہولیات فراہم کرنے کے مشن کے تحت پیس ویلفیئر آرگنائزیشن کی جانب سے فری میڈیکل کیمپ کا انعقاد کیا گیا۔
کیمپ میں ماہر ڈاکٹروں نے مستحق مریضوں کا تفصیلی معائنہ کیا، طبی مشورے دیے اور مفت ادویات فراہم کیں۔ اس دوران عوام کو صحت مند طرزِ زندگی اور احتیاطی تدابیر کے حوالے سے بھی آگاہی دی گئی۔
پیس ویلفیئر آرگنائزیشن عوامی صحت کی بہتری، بیماریوں سے بچاؤ اور بنیادی طبی سہولیات کی فراہمی کو یقینی بنانے کے لیے مسلسل کوشاں ہے۔ تنظیم کا مقصد محروم طبقے کو معیاری علاج کی سہولت فراہم کرنا اور صحت کے حوالے سے شعور اجاگر کرنا ہے۔
