چوری کے مقدمہ میں 9 سال سے مطلوب اشتہاری ملزم گرفتار

ملزم اشتہاری محمد علی ضلع فیصل آباد کے تھانہ لنڈیانوالہ کو مطلوب تھا.

ننکانہ صاحب: نمائندہ باغی ٹی وی عبدالرحمان یوسف
باغی ٹی وی کی رپورٹ کے مطابق کے مطابق ڈی پی او اسماعیل الرحمن کھاڑک نے اپنے ایک پیغام میں کہاکہ ضلع بھر کے پولیس افسران جرائم کے خاتمے کیلئے ہر ممکن کاروائی عمل میں لائیں اپنے اپنے علاقہ میں ہونیوالے تمام وقوعہ جات سے مکمل طو پر باخبر رہیں،اشتہاری ملزمان کے خلاف کریک ڈاون بلا امتیاز جاری رہے گا۔ان خیالات کا اظہار ڈسٹرکٹ پولیس آفیسر اسماعیل الرحمن کھاڑک نے اشتہاری ملزمان کے خلاف ضلع بھر میں جاری کریک ڈاﺅن کے حوالے سے بات کرتے ہوئے کیا۔
تفصیلات کے مطابق ڈسٹرکٹ پولیس آفیسر اسماعیل الرحمن کھاڑک کی ہدایت پر عمل درآمد کرتے ہوئے تھانہ صدر شاہکوٹ کی چوکی محمد پورہ کے انچارج محمد آصف اور محکمہ پولیس کے جوانوں نے کاروائی کرتے ہوئے چوری کے مقدمہ میں 9 سال سے مطلوب اشتہاری ملزم کو گرفتار کرلیا،ملزم اشتہاری محمد علی ضلع فیصل آباد کے تھانہ لنڈیانوالہ کو مطلوب تھا۔ڈی پی او ننکانہ صاحب اسماعیل الرحمن کھاڑک نے بتایا کہ ملزم اشتہاری کو پیشہ وارانہ مہارت کی بدولت گرفتار کیا گیا،اشتہاری ملزم کی گرفتاری ضلعی پولیس کی مثالی کارکردگی کا نتیجہ ہے،اشتہاری ملزمان کے خلاف کریک ڈاو¿ن بلا امتیاز جاری رہے گا۔ اس موقع پر ڈی پی اواسماعیل الرحمن نے اشتہاری ملزمان کے خلاف کامیاب کاروائی کرنے پر انچارج چوکی محمد پورہ محمد آصف اور ان کی ٹیم کو شاباش دی۔

جواب چھوڑیں

آپ کا ای میل ایڈریس شائع نہیں کیا جائے گا.