چودھری پرویز الہیٰ کی قیادت میں ق لیگی وفد کی ہو گی آج شہباز شریف سے ملاقات
باغی ٹی وی کی رپورٹ کے مطابق مسلم لیگ ق کے رہنماؤں کی آج مسلم لیگ ن کے صدر شہباز شریف سے ملاقات ہو گی
سپیکر پنجاب اسمبلی چودھری پرویزالہٰی کی قیادت میں مسلم لیگ ق وفد آج شہبازشریف،مریم نوازسے ملاقات کرے گا ،وفد شریف فیملی سے بیگم شمیم اخترکے انتقال پرتعزیت کرے گا مسلم لیگ کے وفد میں ایم این اے مونس الٰہی، چودھری شجاعت حسین کے صاحبزادے چودھری شافع حسین، سینیٹر کامل عل آغا اور سیکرٹری پنجاب اسمبلی محمد خان بھٹی شامل ہیں۔
چودھری پرویز الٰہی کا کہنا ہے کہ نواز شریف اور شہباز شریف کی والدہ کی وفات پر ہمیں دلی دکھ ہے۔
یاد رہے شہباز شریف اور حمزہ کی پیرول پر رہائی کی مدت کا آج آخری روز ہے۔ مسلم لیگ ن کی جانب سے دونوں رہنماوں کو 14 روز کے لئے پے رول پر رہا کرنے کی درخواست کی گئی تھی تاہم پنجاب کابینہ اور وزیراعلیٰ پنجاب کی جانب سے 5 روز کے لئے رہائی کی منظوری ملی۔ پنجاب حکومت نے پاکستان پریزن رولز 1978 کے سیکشن 545 بی کے تحت پے رول پر رہائی کی اجازت دی۔ بعد ازاں حکومت نے پیرول پر رہائی کی مدت میں ایک روز کی توسیع کی تھی،
ن لیگ والےمجھے ٹرول کرنے کی زحمت نہ کریں، ماروی میمن نے ایسا کیوں کہا؟
چودھری نثار نے درباری پن کے مقابلے میں عزت کو ترجیح دی، ماروی میمن
چاہتا تو آج بھی گاڑی پر وزارت کا جھنڈا لہرا سکتا تھا، جانیے چوہدری نثار نے ایسا کیوں کہا؟
دوسری جانب شہباز شریف کی والدہ کی وفات پر تعزیت کے لئے آنے والے افراد کا سلسلہ جاری ہے، برطانوی ہاؤس آف لارڈز کے سابق رکن لارڈ نذیر نے پاکستان مسلم لیگ (ن) کے صدر اور قائد حزب اختلاف شہباز شریف سے ملاقات کی ہے،لارڈ نذیر نے قائد حزب اختلاف سے ان کی والدہ کی وفات پر تعزیت کی ،لارڈ نذیر نے مرحومہ کے ایصال ثواب کے لئے فاتحہ خوانی اور اہل خانہ کے لئے صبر جمیل کی دعا کی
گورنر پنجاب چودھری سرور کا شہباز شریف سے ٹیلیفونک رابطہ ہوا، گورنر پنجاب نے شہباز شریف سے والدہ کے انتقال پر اظہار تعزیت کیا، ڈپٹی چیئرمین سینیٹ کی اپوزیشن لیڈر شہباز شریف سے ملاقات ہوئی، سلیم مانڈوی والا نے شہباز شریف سے والدہ کے انتقال پر تعزیت کی
مریم نواز کی غیر موجودگی میں شہباز شریف سے "راولپنڈی” کی اہم شخصیت کی ملاقات
