چونیاں،باغی ٹی وی (نامہ نگار) گڈ وشرز پاکستان کے زیر اہتمام یوم مزدور کے موقع پر محفل مشاعرہ زیر صدارت ملک شریف ارشد ہوا۔ جس میں بطور مہمان خصوصی اسعد جمال ایڈووکیٹ صدر بار ایسوسی ایشن چونیاں ، چئیرمین پریس کلب چونیاں سید عامر حسین تقوی، کامران اشرف ، ملک مظفر ، ندیم عباس، صابر میراں، ملک ارشاد نے خصوصی شرکت کی۔
صدر بار ایسوسی ایشن چونیاں کا کہنا تھا کہ مزدوروں کے مسائل کے حل کے لئے ریاست اپنا کردار ادا کرے۔ بار ایسوسی ایشن چونیاں میں مزدوروں کے قانونی مسائل کے حل کے لئے ہم ہمیشہ رضاکارانہ حاضر ہیں۔
چئیرمین گڈ وشرز پاکستان محمد منشا ساجد کا کہنا تھا کہ کسان اس وقت سڑکوں پہ ہیں، مزدور پریشان حال ہیں.حکومت وقت کو چاہیے کم از کم اجرت پچاس ہزار روپے مقرر کیا جائے۔ محفل مشاعرہ میں شاعروں نے مزدوروں کو اپنے اشعار سے خراج تحسین پیش کیا۔
