سائفر آڈیو انکوائری میں پیش رفت ہوگئی، شاہ محمود قریشی کو یکم نومبر کو ایف آئی اے نے طلب کرلیا۔ایف آئی اے نے سابق وزیر خارجہ شاہ محمود قریشی کو سائفر آڈیو انکوائری کے معاملے پر یکم نومبر کو طلبی کا نوٹس جاری کردیا۔
ایف آئی اے نے نوٹس میں پی ٹی آئی رہنماء شاہ محمود قریشی کو 12 بجے ایف آئی اے ہیڈ کوارٹر میں طلب کیا گیا ہے۔
یاد رہے کہ اس سے پہلے اسلام آباد؛ سائفر پر آڈیو لیکس و کابینہ کی سب کمیٹی کے فیصلے کے تناظر میں ایف آئی اے نے سابق سیکریٹری خارجہ سہیل محمود کو انکوائری کے لیے طلب کیا تھا ۔
وزارت داخلہ کے احکامات پر ڈی جی ایف آئی اے نے رواں ماہ 5 اکتوبر کو سائفر و آڈیو لیکس کے حوالے سے تحقیقات کے لیے ڈائریکٹر ایف آئی اے اسلام آباد زون رانا عبدالجبار کی سربراہی میں پانچ رکنی انکوائری ٹیم تشکیل دی تھی جس کے دیگر ممبران میں ایڈیشنل ڈائریکٹر ایف آئی اے سائبر کرائم اسلام آباد، ڈپٹی ڈائریکٹر کانٹر ٹیررازم ونگ، اسٹنٹ ڈائریکٹر آئی او اور ٹیم کے سربراہ کی طرف مقرر کردہ آفیسر ممبران میں شامل ہیں،اسی طرح انکوائری ٹیم میں 3 انٹیلی جینس ادروں سے گریڈ 19 کے ایک ایک آفیسر کو بھی شامل کیا گیا۔
ذرائع کے مطابق طلبی کے لیے جاری نوٹس میں سہیل محمود کو آج 28 اکتوبر کو دن 12 بجے ایف آئی اے کاﺅنٹر ٹیررازم ونگ ہیڈ کواٹر میں انکوائری ٹیم کے سامنے پیش ہونے کا کہا گیاتھا ۔ اسی طرح سابق سیکریٹری ٹو پرائم منسٹر محمد اعظم کو بھی 28اکتوبر کے لیے ہی دوبارہ طلبی کا دوسرا نوٹس جاری کیا گیا ہے۔
