سائفر کیس، الیکٹرانک، پرنٹ، سوشل میڈیا پر خبر دینے پر پابندی

اسلام آباد: ‏عمران خان کے خلاف جاری سائفر کیس کی کارروائی پر الیکرانک اور سوشل میڈیا پر پابندی عائد کردی گئی-

باغی ٹی وی :آفیشل سیکریٹ ایکٹ خصوصی عدالت نے بڑا حکم جاری کر دیا ، عدالتی کارروائی نشر کرنے پر آفیشل سیکرٹ کا قانون لاگو ہوگا، پیمرا اور پی ٹی اے کو ہدایات جاری کردی گئیں، عمران خان اور شاہ محمود قریشی کی فیملی کو کاروائی دیکھنے کی مشروط اجازت ہو گی کہ وہ عدالتی کاروائی کی کسی جگہ بیان نہیں کریں گے-

فیصلے میں کہا گیا کہ پرنٹ الیکٹرونک اور سوشل میڈیا پر کوئی کارروائی نشر نہیں ہو گی ، پیمرا اور پی ٹی اے کو اس حوالے سے ہدایات پر پابندی کی ہدایت کی جاتی ہے ، اگر کوئی بھی خلاف ورزی ہوئی تو اس پر آفیشل سیکریٹ ایکٹ کے تحت کارروائی ہو گی ، پیمرا اور پی ٹی اے کو عدالتی حکم کی کاپی فراہم کی جائے تاکہ آئندہ خلاف ورزی نہ ہو –

چیئرمین پی ٹی آئی کے انتخابات ملتوی کرانے کے الزامات الیکشن کمیشن نے مسترد کر …

فیصلے میں مزید کہا گیا کہ سائفر کیس کا ٹرائل ان کیمرہ کرنے کی پراسیکیوشن کی درخواست منظور کی جاتی ہے ، سابق چیئرمین پی ٹی آئی اور شاہ محمود قریشی کی فیملی مشروط موجود ہو گی ، شرط ہو گی کہ عدالتی کاروائی کو فیملی ممبران کسی جگہ بیان نہیں کریں گے ،ٹرائل کی کاروائی کے دوران پبلک موجود نہیں ہو گی-

سپریم کورٹ نہیں جا رہے، الیکشن کمیشن کی تردید