اوکاڑہ (نامہ نگار ملک ظفر) ڈپٹی کمشنر احمد عثمان جاوید کی ہدایت پر سول ڈیفنس آفیسر جاوید اختر کھچی نے غیر قانونی پٹرول پمپس کے خلاف کریک ڈاؤن کیا۔ اس دوران مختلف مقامات پر پٹرول پمپس کی چیکنگ کی گئی اور چار غیر قانونی اور غیر منظور شدہ پمپس کو سیل کر دیا گیا۔
سول ڈیفنس آفیسر نے مالکان پر مجموعی طور پر 20 لاکھ روپے کے بھاری جرمانے عائد کیے، ہر پمپس کے مالک پر 10 لاکھ روپے کا جرمانہ لگایا گیا۔ انہوں نے کہا کہ بغیر لائسنس اور حفاظتی اقدامات کے چلنے والے پٹرول پمپس شہریوں کی جان و مال کے لیے سنگین خطرہ ہیں۔
انہوں نے شہریوں سے اپیل کرتے ہوئے کہا کہ صرف منظور شدہ اور محفوظ پمپس سے ایندھن حاصل کریں۔ سول ڈیفنس آفیسر نے مزید واضح کیا کہ خلاف ورزی کرنے والوں کے خلاف زیرو ٹالرنس پالیسی کے تحت سخت کارروائیاں جاری رکھی جائیں گی۔
انہوں نے پٹرول پمپ مالکان سے تاکید کی کہ تمام قانونی تقاضے پورے کرنے کے بعد ہی کاروبار کریں اور حکومتی احکامات کی مکمل پاسداری کریں تاکہ کسی بھی سخت کارروائی سے بچا جا سکے۔
