گوجرہ :کالج میں طلبہ گروپوں میں تصادم، فائرنگ سے تین طالب علم شدید زخمی

گوجرہ، باغی ٹی وی(نامہ نگارعبدالرحمن جٹ )گو رنمنٹ پوسٹ گریجوایٹ کالج گوجرہ میں طلبہ گروپوں میں فائرنگ سے تین طالب علم شدید زخمی ہو گئے۔ شدیدزخمیوں کو ٹی ایچ کیو ہسپتال منتقل کر دیا گیا۔ذرائع کے مطابق گو رنمنٹ پوسٹ گریجوایٹ کالج گوجرہ کے گیٹ کے باہر طلبہ میں جھگڑا ہوگیا جس پر دو طالب علمو ں نبیل اور حسنین وغیرہ نے پستول سے اندھا دھند فا ئرنگ شروع کردی جس کے نتیجہ میں تین طلبہ را نا علی سکنہ نئی منڈی، محمد بلا ل سکنہ بہاری کالونی اور ارقم بھٹی سکنہ بہار کالونی شدید زخمی ہو گئے جنہیں فوری طور پر تحصیل ہیڈ کوارٹرز ہسپتا ل گوجرہ منتقل کیا گیا جہا ں پر انہیں طبی امداد فرا ہم کی جا رہی ہے فا ئرنگ سے کالج میں طلبہ و طا لبات میں بھگدڑ مچ گئی کا لج میں خو ف وہراس پھیل گیا فا ئرنگ کرنے وا لے طلبہ فرار ہو نے میں کا میاب ہوگئے اطلا ع ملنے پر سٹی پولیس گوجرہ موقع پر پہنچ گئی اور فائرنگ کرنے وا لے طلبہ کی تلا ش شروع کردی ہے۔