پشاور: وزیر اعلیٰ خیبر پختونخوا علی امین گنڈاپور ںے بلدیاتی نمائندوں کو فنڈز کی فراہمی سمیت ان کے مراعات اور تنخواہیں ڈبل کرنے کا اعلان کردیا۔
باغی ٹی وی : خیبر پختونخوا بلدیاتی نمائندوں کی ایسوسی ایشن کے صدر حمایت اللہ معیار کی قیادت میں وزیر اعلیٰ خیبرپختو نخوا علی امین گنڈا پور سے ملاقات ہوئی جس میں بلدیاتی میئرز چئیرمین اور ویلج ونائبر ہوڈ کونسل کے چیئرمینوں کے علاوہ صوبائی وزیر بلدیات ارشد ایوب اور متعلقہ انتظامی افسر ان بھی موجود تھے۔
وزیر اعلی خیبر پختونخوا نے اس موقع پر بلدیاتی نمائندوں کے اعزازیہ اور دیگر مراعات کے لئے فنڈز کی فراہمی اور تحصیل چیئرمین اور مئیرز کے اعزازیوں کو ڈبل کرنے کا اعلان کیا وزیر اعلی نے انتظامیہ کو بلدیاتی نمائندوں کے ساتھ تعاون کرنے اور ان کو فوری طور پر گاڑیوں کی فراہمی کی بھی ہدایت کردی کہا کہ ہم سیاسی لوگ ہیں اور منتخب لوگوں کےحقوق کا ہمیں احساس ہےلیکن ہمیں مالی بحران کا سامنا ہے جس کے لئے ہم نے وفاق سے اپنا حق لینے کے لئے جدوجھد شروع کی ہے بلدیاتی نمائندے اس جدوجہدمیں ہمارا ساتھ دیں۔
