وزیراعلیٰ پنجاب مریم نواز نے گورنر پنجاب کا فون سننا چھوڑ دیا
اس بات کا انکشاف گورنرپنجاب سلیم حیدر نے خود کیا،پنجاب سلیم حیدر کا کہنا تھا کہ وزیراعلیٰ پنجاب مریم نواز بادشاہ بن گئی ہیں، نہ ہی کبھی فون کیا اور نہ ہی میرٹ کے حوالے مشاورت کرتی ہیں، اب مریم نواز سے نہیں ملوں گا ، گورنر ہاؤس لاہور میں نیشنل سیکیورٹی ورکشاپ کے شرکاء سے خطاب کے دوران گورنر پنجاب سلیم حیدر کا کہنا تھا کہ گورنر ایک آئینی عہدہ ہے اصولی طور پر وزیراعلیٰ گورنر کو ملنے آنا ہوتا لیکن میں وزیراعلیٰ کو ملنے گیا، ہمارا اتحاد مجبوری کا ہے، اگر ہم الگ ہو جائیں تو پھر ن لیگ کی حکومت کا کیا بنے گا، پنجاب میں معاملات میرٹ پر نہیں چل رہے،بطور اتحادی ہم سے مشاورت کی جائے،
گورنر پنجاب سلیم حیدر کا مزید کہنا تھا کہ 6 ماہ فون پر بار بار رابطے کی کوشش کی مگر زیرو رسپانس آیا، اس لیے اب مریم نواز سے نہیں ملوں گا،ن لیگ اور پیپلز پارٹی میں اب ڈیڈ لاک پیدا ہو چکا ہے، اپنی قیادت کو پنجاب کی صورتِ حال سے آگاہ کر دیا ہے، ماضی میں ن لیگ کے ساتھ حکومت میں اتحاد کا تجربہ تلخ تھا، تحریری معاہدے اور مشاورتی کمیٹیاں تشکیل دینے کے باوجود کوئی عمل درآمد نہیں ہوتا، جو موجودہ صورتحال ہے ہم حکومت کو سپورٹ کر رہے لیکن کب تک کریں، ہماری طرف سے کمزوری نہیں، سسٹم کو چلانا ہے،ہمارے ساتھ کیے گئے معاہدوں کی پاسداری نہیں ہو گی تو بات کرنا ہمارا حق ہے، ہماری آخری حد تک کوشش ہو گی کہ معاملات بہتری کی طرف جائیں، احساس ہونا چاہئے،ن لیگ کے ساتھ الائنس میں ہمیشہ ہمیں نقصان ہوا، دو مختلف پارٹیاں ہیں، الگ سوچ کے ورکر ہیں، لیکن جب بھی بیٹھے ملک کی مجبوری میں بیٹھے، اس بار مینڈیٹ اس طرح کا تھا کہ مجبوری میں ن لیگ کے ساتھ بیٹھنا پڑا، نہ بیٹھتے تو الیکشن دوبارہ ہونا تھا سسٹم نہیں چلنا تھا،
