وزیراعلیٰ پنجاب مریم نواز شریف کی زیر صدارت خصوصی اجلاس ہوا جس میں آسان کاروبارفنانس اورآسان کاروبار کارڈ پراجیکٹس پر پیش رفت کا جائزہ لیا گیا
وزیراعلیٰ مریم نوازشریف نے آسان کاروبارفنانس اورآسان کاروبار کارڈسکیم کو آسان تر بنانے کی ہدایت کی ،وزیراعلیٰ مریم نوازشریف نے کاروبار فنانس کیلئے ضرورت کے مطابق لون دینے کا حکم دے دیا،وزیراعلیٰ مریم نوازشریف نے کاروبار فنانس کیلئے نئے یونٹ قائم کرنے والے کاروباری افراد کی حوصلہ افزائی کی ہدایت کی، اجلاس میں بریفنگ میں بتایا گیا کہ قرض حاصل کرنیوالو ں میں ٹرانسپورٹ،فارما سوٹیکل،چھوٹے کاروبارکرنیوالے افراد شامل ہیں،کاروبارفنانس کیلئے 80ہزار سے زائد افراد کی قرض کی درخواستیں منظور کی گئی ہیں،کاروبار فنانس اورکاروبار کارڈ کے ذریعے 34ہزار کاروباری افرا د کیلئے لون کا اجراء کیا گیا
وزیراعلیٰ مریم نوازشریف نےقرض حاصل کرنے والے تمام افراد سے فیڈ بیک لینے کا حکم دے دیا،وزیراعلیٰ مریم نوازشریف نے اجلاس کے دوران ہی قرض حاصل کرنے والے افراد سے فون پر با ت چیت کی،وزیراعلیٰ مریم نوازشریف نے قرض حاصل کرنے کے مراحل کے بارے میں دریافت کیا ،وزیراعلیٰ مریم نوازشریف نے کریانہ سٹور کا کاروبار کرنے والے عدنان علی سے بات چیت کی،عدنان علی نے کاروبارفنانس کارڈ کے ذریعے3لاکھ55ہزار ملنے پر اظہار تشکرکیا اور کہا کہ 3لاکھ55ہزارروپے کا سامان کریانہ سٹور میں ڈالنے سے کاروبار بڑھا۔تونسہ سے زرعی مداخل کا کاروبار کرنیوالے معین الدین وزیراعلیٰ مریم نوازشریف سے گفتگوکرکے حیران،شکریہ ادا کیا اور ہا کہ ایک لاکھ56ہزار روپے کا کھل،بنولہ،چوکر ونڈا ڈالنے سے کاروبار میں بہتری آئی۔آسان کاروبار فنانس کارڈ جیسی سکیم شروع کرنے پر محمد نوازشریف صاحب اوروزیراعلی کا شکریہ ادا کرتا ہوں۔
لودھراں کے نواحی گاؤں 104میں کریانہ کی دکان چلانے والے ندیم احمد سے وزیراعلیٰ مریم نوازشریف نے گفتگو کی، ندیم کا کہنا تھا کہ عید سے پہلے 8لاکھ روپے فنانس کارڈ کے ذریعے ملنے سے دکان میں زیادہ مال ڈال لیااورکاروبار بڑھ گیا۔وزیراعلیٰ مریم نوازشریف نے کاروبار فنانس سکیم میں شامل افراد کی کامیابی کی دعائیں کیں
