وزیراعلیٰ پنجاب مریم نواز نے کرسمس تقریب سے خطاب کرتے ہوئے کہا ہے کہ میرے دل کے دروازے، وزیراعلی ہائوس کے دروازے آپ کےلئے کھلے ہیں،میں آپ کےلئے 10 ہزار کیک بنوا کر لائی ہوں، ایک رات کے نوٹس پر بنوائے ہیں، آپ جب کیک کھائیں گے تو میری محبت کو یاد کرنا،
وزیر اعلیٰ پنجاب مریم نواز شریف مسیحی برادری کی خوشیوں میں شرکت کے لئے چرچ ہاؤس اف پرئیر پہنچ گئیں،وزیر اعلیٰ مریم نواز شریف نے مسیحی برادری کے لئے 10- ہزار کرسمس کیک کا تحفہ دیا،تقریب میں وزیر اعلیٰ مریم نواز شریف نے سب کے ساتھ ملکر کرسمس کیک بھی کاٹا،وزیرِاعلیٰ مریم نواز شریف نے مسیحی خاتون کو خود کیک کھلایا۔وزیرِاعلیٰ مریم نواز شریف نے کرسمس گرانٹ کے 15-15 ہزار کے چیک بھی تقسیم کئے۔
وزیرِاعلیٰ مریم نواز شریف لاہور کے سب سے بڑے چرچ کا دورہ کرنے والی پہلی وزیرِاعلیٰ ہیں،چرچ ہاؤس آف پریئر پہنچنے پر وزیرِاعلیٰ مریم نواز شریف کا پرجوش استقبال کیا گیا،رنگا رنگ لباس میں ملبوس ننھی بچیوں نے روائتی روسی دعائیہ گیت کوئیر پیش کیا۔وزیرِاعلیٰ مریم نواز شریف نے ننھی بچیوں کو پاس بلا کر پیار کیا۔وزیرِاعلیٰ مریم نواز شریف نے مسیحی سپیشل بچی کو بھی پاس بلایا اور اظہارِ شفقت کیا۔بشپ عرفان جمیل نے دعائیہ کلمات ادا کئے۔پاسٹر سالک جان برکت نےکرسمس کا پیغام پیش کیا۔ کرسمس کا پنجابی دعائیہ گیت بھی پیش کیاگیا۔وزیر اقلیتی امور سردار رمیش سنگھ اروڑہ نے بھی تقریب سےخطاب کیا۔
