وزیراعلیٰ پنجاب مریم نوازشریف مہنگائی کے خاتمے کے لئے سر گرم

وزیراعلیٰ پنجاب مریم نوازشریف نے مہنگائی کے خاتمے کے لئے اپنی سرگرمیاں تیز کر دی ہیں۔ ایک ہی ہفتے میں دوسری بار اہم اجلاس منعقد ہوا جس میں چکن اور دودھ کی قیمتوں میں مصنوعی اضافہ روکنے کے لیے جامع حکمت عملی پر غور کیا گیا۔اجلاس کے دوران، وزیراعلیٰ مریم نوازشریف نے دودھ میں ملاوٹ کے خاتمے کے لیے خصوصی مہم شروع کرنے کا حکم دیا۔ انہوں نے چکن اور دودھ کی سپلائی چین کے میکنزم اور قیمتوں کے تعین کے امور کا تفصیلی جائزہ لیا اور نرخ کی مانیٹرنگ اور استحکام کے لیے مزید مؤثر نظام بنانے کی ہدایت دی۔وزیراعلیٰ نے زور دیا کہ سپلائی چین کی کارکردگی میں بہتری لانے کے لیے تمام سٹیک ہولڈرز کو مل کر کام کرنا ہوگا۔
انہوں نے جدید ٹیکنالوجی کے استعمال سے سپلائی چین کو بہتر بنانے اور قیمتوں میں استحکام لانے کی ضرورت پر بھی زور دیا۔ مریم نوازشریف نے کہا کہ قیمتوں میں مصنوعی اضافہ ناقابل برداشت ہے اور اس پر قابو پانے کے لیے سخت اقدامات کیے جائیں گے۔اجلاس میں سینیٹر پرویز رشید، سینئر منسٹر مریم اورنگزیب، پرائس کنٹرول ٹاسک فورس کی چیئر پرسن سلمیٰ بٹ، چیف سیکرٹری زاہد اختر زمان، سیکرٹری زراعت افتخار سہو، سیکرٹری خوراک معظم سپرا، سیکرٹری لائیو سٹاک مسعود انور، پرنسپل سیکرٹری ساجد ظفر ڈال اور دیگر حکام بھی موجود تھے۔ اجلاس میں تمام شرکاء نے مہنگائی کے خاتمے کے لیے مشترکہ کوششوں پر اتفاق کیا۔