دھی رانی ، سب کی سانجھی ،وزیر اعلیٰ پنجاب مریم نواز شریف نے پاکستان کا پہلا ,”پنجاب دھی رانی پروگرام” لانچ کر دیا
لاہور کے بہترین میرج ہال میں 51 اجتماعی شادیوں سے آغاز کر دیا گیا،نوبیاہتا جوڑوں میں پانچ کرسچن دولہا دلہن بھی شامل تھے،وزیر اعلیٰ مریم نواز شریف نے فرداً فرداً سب نوبیاہتا جوڑوں کو مبارکباد دی،وزیر اعلیٰ مریم نواز شریف نے دلہنوں کو پیار کیا اور دعائیں دیں،تقریب میں مولانا ڈاکٹر مفتی محمد رمضان سیالوی اور بشپ لاہور ندیم کامران نے باری باری دعا کرائیں،نو بیاہتا دولہا دلہن کو وزیر اعلیٰ مریم نواز شریف کی طرف سے میٹرس، کھانے پکانے کا سامان ، ڈنر سیٹ اور دیگر سامان کے تحائف دئے گئے،وزیر اعلیٰ مریم نواز شریف نے دھی رانی پروگرام سلام کارڈ کی لانچنگ بھی کی،وزیراعلی مریم نواز شریف نے ہر دلہن کو پیار کیا اور سلامی کارڈ بھی دیا
دھی رانی سلامی کارڈ کر ذریعے ایک لاکھ روپے سلامی حاصل کر سکیں گی،تقریب کے شرکاء کو محکمہ سوشل ویلفیئر کی جانب سے پرتکلف ظہرانہ دیا گیا ،وزیر اعلیٰ مریم نواز شریف نے نوبیاہتا جوڑوں کے ساتھ گروپ فوٹو بھی بنوایا ،وزیر اعلیٰ مریم نواز شریف نے تحفہ کے طور پر ملنے والے سامان کا بھی معائنہ کیا
وزیراعلی پنجاب مریم نوازشریف نے ”دھی رانی پروگرام“ کی تقریب سے خطاب کرتے ہوئے کہا کہ ”دھی رانی پروگرام“ کے تحت موجود بیٹیوں اور بیٹوں،والدین اور اہلخانہ کو دل کی گہرائیوں سے شادی کی مبارکباددیتی ہوں -اللہ تعالی آپ کو ہمیشہ خوش رکھے ، دعا کے ساتھ میں بیٹیوں اور بیٹوں کی خوشیوں میں شامل ہونے کے لئے آئی ہوں -اللہ تعالی میرے بیٹیوں اور بیٹوں کو آباد و شاد رکھے، نئی زندگی کی شروعات میں برکت ڈالے،دکھ سکھ کا ساتھی بنائے-بیٹیوں اور بیٹوں کی شادی میں شمولیت ایک جذباتی لمحہ ہے، بے حد خوش ہوں -شادی بچوں اور والدین کے لئے ایک جذباتی لمحہ ہوتاہے،دعا گو ہوں – جتنے آپ کے والدین خوش ہیں، آپ خوش ہوں، میں بھی آپ کی ماں ہوں، میں بھی خوش ہوں -اللہ تعالی میرے بیٹیوں اور بیٹو ں کو سکھ اورچین والی زندگی دے-
