چیف جسٹس یحییٰ آفریدی نے کہا ہے کہ چیلنجز سے نمٹنے کیلئے قانون کی بالادستی ضروری ہے –
عالمی یوم انصاف پر خصوصی پیغام میں چیف جسٹس نے کہا ہے کہ انصاف سرحدوں کا پابند نہیں، یہ انسانی وقار اور امن کا ستون ہے، دنیا کو درپیش مسائل کا حل قانون کی حکمرانی میں ہے،انصاف صرف اداروں کی نہیں، انسانیت کی اجتماعی ذمہ داری ہے، انصاف کی جدوجہد میں پاکستانی عدلیہ دنیا کے ساتھ کھڑی ہے، دہشتگردی اور انسانی حقوق کی خلاف ورزی جیسے چیلنجز کا سامناہے ،چیلنجز سے نمٹنے کیلئے قانون کی بالا دستی ضروری ہے،عالمی انصاف کے فروغ کیلئے انٹرنیشنل کریمنل کورٹس کے کردار کو سراہتے ہیں۔
کوہستان اسکینڈل میں ملوث عناصر کو نشان عبرت بنایا جائے،اعظم سواتی
عالمی یوم انصاف پر وزیراعلیٰ پنجاب مریم نواز کا پیغام
وزیراعلیٰ پنجاب مریم نواز شریف نے عالمی یوم انصاف کے موقع پر کہا ہے کہ انصاف کے بغیر کسی قوم کی تقدیر روشن نہیں ہو سکتی،انصاف وہ روشنی ہے جو معاشروں کو بدل دیتی ہے، جہاں انصاف ختم ہو جائے وہاں ظلم کی تاریکی پھیل جاتی ہے۔
مریم نواز نے کہا کہ ناانصافی سے نہ صرف افراد متاثر ہوتے ہیں بلکہ پورا معاشرہ کمزور ہو جاتا ہے، اور اس کے نتیجے میں نفرت، بداعتمادی اور انتشار جنم لیتے ہیں پنجاب حکومت نے ایسے ادارے قائم کیے ہیں جو ناانصافی کے خاتمے کے لیے کام کر رہے ہیں تاکہ ہر شہری کو اس کا حق بلا امتیاز ملے انصاف کی فراہمی حکومت کی اولین ترجیح ہے کیونکہ انصاف کے بغیر تعلیم، صحت اور ترقی کے خواب پورے نہیں ہو سکتے انہوں نے عوام سے اپیل کی کہ وہ بھی انصاف کے قیام میں اپنا کردار ادا کریں کیونکہ انصاف ہی ہر فرد کی زندگی کو بہتر بنا سکتا ہے۔
ایشین انڈر 16 والی بال چیمپئن شپ: پاکستان نے دفاعی چیمپین ایران کو شکست دیدی
