وزیراعلیٰ سندھ کے بہنوئی کی وفات پر گورنر سندھ، میئر کراچی، مصطفیٰ کمال سمیت دیگر کا اظہار تعزیت

وزیراعلیٰ سندھ کے بہنوئی کی وفات پر گورنر سندھ، میئر کراچی، مصطفیٰ کمال سمیت دیگر کا اظہار تعزیت
باغی ٹی وی کی رپورٹ کے مطابق وزیراعلیٰ سندھ کے بہنوئی مہدی شاہ کی کرونا کے باعث موت پر گورنر سندھ، میئر کراچی سمیت سیاسی و سماجی رہنماؤں نے تعزیت کا اظہار کیا ہے.

گورنر سندھ عمران اسماعیل نے وزیراعلیٰ سندھ سید مراد علی شاہ کے بہنوئی مہدی شاہ کے انتقال پر اظہار افسوس کیا ہے،گورنر سندھ نے مرحوم کی مغفرت اور درجات کی بلندی کے لئے دعا کی ہے،گورنر سندھ کا کہنا تھا کہ اللہ تعالی سے دعا ہے کہ وہ لواحقین کو صبر جمیل عطا فرمائے

میئر کراچی سید وسیم اختر نے کہا ہے کہ وزیراعلیٰ سندھ کے بہنوئی مہدی شاہ کےکوروناوائرس کےباعث انتقال پردلی دکھ ہوااللہ تعالٰی وزیراعلیٰ سندھ مرادعلی شاہ سمیت اہل خانہ کوصبرجمیل عطافرمائے دعا ہےاللہ تعالی مہدی شاہ کی مغفرت فرمائے

چئیرمین پاک سرزمین پارٹی سید مصطفیٰ کمال نے وزیراعلی سندھ مرادعلی شاہ کے بہنوئی اور ایم ڈی سائٹ مہدی شاہ کی وفات پر گہرے دکھ اورافسوس کا اظہارکیا ہے،مصطفیٰ کمال نے مرحوم مہدی شاہ کے درجات کی بلندی کے لیے دعا کی

سینیٹر سسی پلیجو نے وزیراعلی سندھ کے بہنوئی مہدی شاہ کے انتقال پر افسوس کا اظہار کرتے ہوئے کہا کہ دکھ کی اس گھڑی میں اہل خانہ کو اللہ کریم صبرجمیل عطافرمائے. آمین

ممبر قومی اسمبلی اسامہ قادری نے وزیراعلی سندھ مرادعلی شاہ کے بہنوئی اور ایم ڈی سائٹ مہدی شاہ کی وفات پر گہرے دکھ اورافسوس کا اظہار کیا اور اللہ تعالی حضور دعا کرتے ہیں کہ مرحوم کے درجات بلند فرمائے اور پسماندگان کو صبر جمیل عطا فرمائے۔

صوبائی وزیر توانائی امتیاز احمد شیخ نے وزیراعلیٰ سندھ سيد مراد علی شاھ کے بہنوئی مہدی شاہ کے انتقال پر دکھ و افسوس کا اظہارکرتے ہوئے کہا کہ اللہ تعالیٰ مرحوم کو جوار رحمت میں جگہ عطا فرماۓ ، لواحقین کو صبر و جمیل عطا کرے۔

ایم کیو ایم کے رہنما ڈاکٹر فاروق ستار نے کہا کہ وزیراعلیٰ سندھ مراد علی شاہ کے بہنوئی اور ایم ڈی سائٹ کے عہدے پر فائز مہدی شاہ کے انتقال پر نہایت افسوس ہے

ایم کیوایم پاکستان کے کنوینر ڈاکٹرخالدمقبول صدیقی نے وزیراعلی سندھ مرادعلی شاہ کے بہنوئی اور ایم ڈی سائٹ مہدی شاہ کی وفات پر گہرے دکھ اورافسوس کا اظہار کرتے ہوئے اپنے ایک بیان میں کہا کہ مرحوم کے تمام سوگوار لواحقین کو تعزیت پیش کرتے ہیں.