باغی ٹی وی کی رپورٹ کے مطابق وزیراعلیٰ پنجاب سردار عثمان بزدارکی زیر صدارت اجلاس ہوا،
اجلاس میں بورڈ آ ف ریونیو میں اصلاحات کیلئے مجوزہ اقدامات کا جائزہ لیاگیا، سینئر ممبر بورڈآف ریونیونے محکمے میں اصلاحات اوراراضی سینٹرز کی تعداد بڑھانے کے حوالے سے بریفنگ دی
وزیراعلیٰ پنجاب عثمان بزدار کا کہنا تھا کہ ریونیو کے حوالے سے عوام کی شکایات کے ازالے کیلئے بنیادی اصلاحات کی جائیں گی۔ریونیو کا ایسا نظام وضع کیاجائے گا جس سے عوام کو سہولت ملے۔
وزیراعلیٰ عثمان بزدار نے بورڈ آ ف ریونیو میں اصلاحات کے لئے کمیٹی تشکیل دینے کی ہدایت دی،صوبائی وزیر قانون راجہ بشارت کمیٹی کے سربراہ ہوں گے،کمیٹی 7روز میں بنیادی اصلاحات کے حوالے سے حتمی سفارشات پیش کرے گی۔
وزیراعلیٰ پنجاب عثمان بزدار کا کہنا تھا کہ کمیٹی کی سفارشات کی روشنی میں فیصلے کیے جائیں گے۔ ماضی کے حکمرانوں نے پٹوار کلچر کے خا تمے کے خالی نعرے لگائے۔سابق دور میں پٹوار کلچر کے خا تمے کیلئے کوئی عملی اقدام نہیں اٹھا یا گیا۔ ہماری حکومت سابق دور کے بگاڑ کو درست کرنے کیلئے اقدامات کررہی ہے۔ ہماری حکومت کا مقصدعوام کیلئے آسانیاں پیدا کرنا ہے۔
وزیراعلیٰ پنجاب سردارعثمان بزدارکی زیر صدارت اجلاس:
بورڈ آف ریونیو میں اصلاحات کیلئے مجوزہ اقدامات کا جائزہ لیا گیا
سینئر ممبر بورڈآف ریونیوکی محکمے میں اصلاحات اوراراضی سینٹرز کی تعداد بڑھانے کے حوالے سے بریفنگ۔@UsmanAKBuzdar#PunjabUpdates pic.twitter.com/UZnXjcE8XC
— Insaf TV (@InsafPKTV) July 6, 2020
وزیراعلیٰ پنجاب عثمان بزدار کا مزید کہنا تھا کہ ریونیو معاملات کو بہتر بنانے کیلئے ہر سطح پر اصلاحات ضرور ی ہیں۔ میں خود جانتا ہوں کہ ریونیو کے حوالے سے شہریوں کو بہت مشکلات کا سامنا ہے۔ ریونیو امور سے متعلقہ عوام کی شکایات کا فوری ازالہ ضروری ہے۔اراضی سینٹرز کی تعداد میں اضافہ کر کے عوام کو مزید ریلیف دیں گے۔
وزیراعلیٰ عثمان بزدار نے موبائل اراضی سینٹرز کو جلد فنکشنل کرنے کی ہدایت کی،صوبائی وزیر قانون راجہ بشارت،چیف سیکرٹری ،سینئر ممبر بورڈ آف ریونیو،پرنسپل سیکرٹری وزیراعلیٰ پنجاب اور اعلی حکام نے اجلاس میں شرکت کی
