وزیراعلیٰ پنجاب کا پولیس یادگار شہدا کا دورہ ،پھولوں کی چادر چڑھائی،پولیس کے شہداء ہمارا مان ہیں،بزدار

وزیراعلیٰ پنجاب کا پولیس یادگار شہدا کا دورہ ،پھولوں کی چادر چڑھائی،پولیس کے شہداء ہمارا مان ہیں،بزدار

باغی ٹی وی کی رپورٹ کے مطابق یوم شہدا ئے پولیس، وزیر اعلی پنجاب سردار عثمان بزدار نے شاہراہ قائد اعظم پر ایچی سن کالج کے قریب پولیس یادگار شہدا ء کا دورہ کیا،وزیراعلیٰ عثمان بزدار نے یاد گار شہداء پر پھولوں کی چادر چڑھائی.

وزیراعلیٰ عثمان بزدار نے پولیس کے شہداء کے لئے دعا کی،وزیراعلیٰ عثمان بزدار نے پولیس شہداء کے ایصال ثواب کے لئے فاتحہ خوانی کی،وزیراعلیٰ عثمان بزدار نے شہید ہونے والے پولیس افسروں او رجوانوں کی عظم قربانی کو خراج عقیدت پیش کیا

وزیراعلیٰ پنجاب عثمان بزدار کا کہنا تھا کہ عوام کے جان ومال کے تحفظ کے لئے اپنی جانیں دینے والے پولیس افسران او رجوانوں کی جرات کو سلام پیش کرتا ہوں -پولیس کے شہداء ہمارا مان ہیں -یوم شہدائے پولیس بہادر سپوتوں کی عظیم قربانیوں کو یاد کرنے کا دن ہے-شہداء پولیس کی لازوال قربانیو ں کو ہمیشہ یاد رکھا جائے گا-

وزیراعلیٰ پنجاب عثمان بزدار کا کہنا تھا کہ پنجاب حکومت شہید پولیس افسروں اور جوانوں کے اہل خانہ سے بھی مکمل یکجہتی کااظہار کرتی ہے- شہداء کے خاندانوں کی دیکھ بھال ہماری ذمہ داری بھی ہے اور فرض بھی -پنجاب حکومت شہداء کے خاندانوں کے ساتھ کھڑی ہے اور کھڑی رہے گی- شہید پولیس اہلکاروں کے خاندانوں کو تنہا نہیں چھوڑیں گے۔

صوبائی وزیر اطلاعات فیاض الحسن چوہان، انسپکٹرجنرل پولیس، سی سی پی اولاہور، سیکرٹری اطلاعات اور ڈپٹی کمشنر لاہور بھی اس موقع پر موجود تھے