پشاور : بڈھ پیر میں سکیورٹی فورسز کے ساتھ مقابلے میں کمانڈر سمیت 4 انتہائی مطلوب دہشت گرد ہلاک ہو گئے۔
باغی ٹی وی : پاک فوج کے شعبہ تعلقات عامہ( آئی ایس پی آر )کے مطابق سکیورٹی فورسز نے پشاور کے علاقے بڈھ بیر میں انٹیلیجنس معلومات پر آپریشن کیا، سکیورٹی فورسزنے دہشت گردوں کے ٹھکانے کا موثر انداز میں پتہ لگایا،بڈھ بیر آپریشن میں فائرنگ کے تبادلے میں 4 دہشت گرد ہلاک ہوئے، ہلاک ہونے والوں میں ہائی ویلیو دہشت گرد کمانڈر سمیع اللہ عرف شینائے بھی شامل ہے۔
آئی ایس پی آر کے مطابق دہشت گرد کمانڈر سلمان، دہشت گرد عمران اور دہشت گرد عمر خالد بھی ہلاک ہونے والوں میں شامل ہے ہلاک دہشت گرد قانون نافذ کرنے والے اداروں کو انتہائی مطلوب تھے، ہلاک دہشت گردوں کے ٹھکانے سے اسلحہ،گولہ بارود اور دھماکا خیز مواد بھی برآمد ہوا۔
