کمشنر کے تانے بانے پی ٹی آئی سے مل رہے ہیں،رہنما پیپلز پارٹی

کراچی: متحدہ قومی موومنٹ (ایم کیو ایم) پاکستان کے کنوینر خالد مقبول صدیقی کا کہنا ہے کہ کمشنر راولپنڈی کے الزامات کی مکمل تحقیقات ہونی چاہئیں، ان کے پیچھے جو ہاتھ ہے وہ بےنقاب ہونا ضروری ہے، رہنما پیپلز پارٹی فیصل کریم کنڈی نے کہا کہ کمشنر کے تانے بانے پی ٹی آئی سے مل رہے ہیں-

باغی ٹی وی: نجی خبررساں ادارے کے پروگرام سے بات کرتے ہوئے خالد مقبول صدیقی نے کہا کہ ہمیں بھی کراچی سے ہرایا گیا تھا، کمشنر راولپنڈی کے الزامات کی مکمل تحقیقات ہونی چاہئیں، ان کے پیچھے جو ہاتھ ہے وہ بےنقاب ہونا ضروری ہے، ہر شخص کو برابر کا محب وطن سمجھا جانا چاہئے، انتخابات میں پی ٹی آئی کے آزاد امیدوار بھی جیتے ہیں، حالیہ انتخابات 2018 کے مقابلے میں شفاف الیکشن تھے،ملک مشکل وقت سے گزر رہا ہے، ہماری چوائسز ہی ملک کے مستقبل کا فیصلہ کریں گی۔

کمشنر راولپنڈی لیاقت علی چھٹہ کو عہدے سے ہٹا دیا گیا

پروگرام میں گفتگو کرتے ہوئے پاکستان پیپلز پارٹی کے ترجمان فیصل کریم کنڈی نے کمشنر راولپنڈی کے الزامات پر کہا کہ کیا 50 ہزار بوگس ڈالےجا سکتے ہیں؟، پیپلز پارٹی تمام الزامات پر تحقیقات کا مطالبہ کرتی ہے، کمشنر کے تانے بانے پی ٹی آئی سے مل رہے ہیں، ان کا کہنا تھا کہ کیا کوئی چیف جسٹس کمشنر کو فون کرے گا؟ 70 ہزار ووٹ والی بات سمجھ نہیں آرہی، ہمارے اپوزیشن میں جانے کا مطلب تھا دوبارہ الیکشن، ن لیگ کے ساتھ 16 ماہ کا سفر اچھا نہیں رہا۔

قوم نے بانی پی ٹی آئی کو ووٹ دئیے،ہمارا مینڈیٹ واپس کیا جائے،علی محمد خان