کمشنر لاہور کی زیر صدارت لاہور ڈویلپمنٹ پلان و ترقیاتی سکیموں کے حوالے سے اجلاس

کمشنر لاہور زید بن مقصود کی زیر صدارت لاہور ڈویلپمنٹ پلان و ترقیاتی سکیموں کے حوالے سے اجلاس منعقد ہوا۔ڈویژنل اجلاس میں لاہور ڈویلپمنٹ پلان اور اضلاع کی ترقیاتی سکیمیں پیش کی گئیں۔

ڈویلپمنٹ پلان کے تحت کمیٹی میں ایم سی ایل کی کل 94 سکیمیں اور واسا کی 114سکیمیں منظوری کیلئے پیش کی گئیں۔
کمشنر کی زیر صدارت ورکنگ کمیٹی نے ہر سکیم کی مکمل تفاصیل کا جائز لیا۔لاہور ڈویلپمنٹ پلان کی تمام سکیموں پر تمام متعلقہ اسسٹنٹ کمشنرز سے بریفنگ لی گئی۔انہوں نے کہا کہ وزیر اعلی لاہور ڈویلپمنٹ پلان شہر کے تمام نظرانداز و پسماندہ ایریاز پر فوکس کررہا ہے۔اس کے تحت سکمیوں پر کام کی شفافیت و پائیداری کو لگاتار مانیٹر کیا جائیگا۔کمشنر لاہور کی زیر صدارت کمیٹی نے لاہور ڈویلپمنٹ پلان کی تمام سکیموں کی منظوری دی۔لاہور ڈویلپمنٹ پلان کے تحت سکیموں کی ڈپلیکیشن نہیں ہونی چاہئے۔انہوں نے کہا کہ پی ٹی سی ایل،سوئی گیس و دیگر ایجنسیوں کو آگاہ کیا جائے کہ اس پر عملدرآمد کے بعد ڈگنگ نہیں ہوگی۔ڈویژنل اجلاس میں قصور کی روڈ سیکٹر کی 4سکیمیں بھی منظوری کیلئے پیش کی گئیں۔انہوں نے کہا کہ ہر ترقیاتی سکیم کی معیار اور ڈیڈلائن و ٹائم لائنز کے مطابق تکمیل ہونی چاہئے۔اجلاس میں ڈی سی لاہور،ڈائریکٹر ڈویلپمنٹ لاہور،ایم ڈی واسا ،اے ڈی سی فنانس لاہور،سی او ایم سی ایل ،لاہور کے تمام اے سی ز اور ڈویژن بھر کے ڈویلپمنٹ افسران نے شرکت کی۔

چیمپئنز ٹرافی 2025ء : قذافی سٹیڈیم کی گنجائش میں 160 فیصد اضافہ

جلاؤ گھیراؤ کرنے والوں سے آہنی ہاتھوں سے نمٹا جائے گا،وزیر اطلاعات

نادرا بائیکر سروس متعارف‘ شہریوں کو گھر بیٹھے شناختی کارڈ بنوانے کی سہولت