ڈیرہ غازیخان ،باغی ٹی وی (نیوز رپورٹرشاہدخان) کمشنر ڈیرہ غازی خان ڈویژن ڈاکٹر ناصر محمود بشیر ترقیاتی منصوبوں کی جلد تکمیل کیلئے متحرک ہوگئے ہیں۔انہوں نے ڈپٹی کمشنر مہر شاہد زمان لک کے ہمراہ کچہری چوک،وقار کینٹین تا گدائی روڈ اور دیگر منصوبوں کا معائنہ کرتے ہوئے کام کی رفتار تیز تر کرنے اور معیاری میٹریل کا استعمال یقینی بنانے کے احکامات جاری کیے۔
کمشنرنے کہا وزیر اعلی پنجاب سید محسن نقوی کا وژن ہے کہ روڈز کی بحالی کے منصوبوں کو جلد مکمل کرایا جائے۔آمدو رفت میں بہتری اور عوامی مسائل کا بروقت حل اولین ترجیح ہونی چاہیے۔اس موقع پر ایڈیشنل کمشنر کوآرڈینیشن کریم بخش،ایڈیشنل ڈپٹی کمشنرز رضوان نذیر،محمد اسد چانڈیہ،اے سی صدر عثمان غنی،ڈائریکٹر ڈویلپمنٹ وسیم اختر جتوئی،ڈپٹی ڈائریکٹر امیر مسلم،ایس ای شعیب فیاض اور دیگر افسران بھی کمشنر کے ہمراہ تھے۔
Leave a reply
