لاہور : وزیراعلیٰ پنجاب مریم نواز شریف نے منشیات کے خلاف عالمی دن پر پیغام دیتے ہوئے کہا ہے کہ نوجوانوں کے بہتر مستقبل کے لیے منشیات سے پاک پنجاب کا عزم کرتے ہیں-
مریم نواز نے پیغام میں کہا کہ اپیل کرتی ہوں شہری آگاہی پھیلائیں اور نشے کے خلاف لڑنے والوں کی مدد کریں، تعلیم اور آگاہی منشیات کے استعمال کو روکنے کی کلید ہیں، منشیات کے خلاف جنگ میں اجتماعی کوشش کی ضرورت ہے، ہر شہری اس مقصد میں فعال طور پر حصہ لے، منشیات کا استعمال زندگیاں اور خاندان تباہ کرتا ہے، ہمیں اس خطرے سے لڑنے کے لیے متحد ہونا ہوگا، منشیات کے متاثرین اور ان کے خاندانوں کے ساتھ اظہار یکجہتی کرتے ہیں، عوام کی صحت اور سلامتی سب سے اہم ہیں، منشیات کے خلاف وسائل اور مدد فراہم کرنے کے لیے پرعزم ہیں۔
