فیڈرل بورڈ آف ریونیو (ایف بی آر) کے ریجنل ٹیکس آفس ون نے کارروائی کرتے ہوئےے ٹیکس فراڈ میں ملوث 20 سے زائد کمپنیوں کی سیلز ٹیکس رجسٹریشن معطل کردی۔
باغی ٹی وی : ذرائع ایف بی آر کے مطابق ایک کمپنی کے مالکان کے خلاف تحقیقات میں ٹیکس ریٹرن فائل کرنے والی کمپنی کا پتہ ملا، کراچی سمیت پنجاب تک جعلی سیلز ٹیکس انوائس بیچنے والا نیٹ ورک سامنے آیا ملزمان کے خلاف ایف آئی آر درج کرنے کے بعد تحقیقات کی گئی، کمپنیوں نے 314 ارب روپےکا ٹیکس فراڈ کرکے ریفنڈ حاصل کرنے کی کوشش کی تاہم ٹیکس فراڈ میں ملوث متعدد کمپنیوں نے ریفنڈواپس کرنا شروع کردیاملک بھر کے ٹیکس ڈیٹا تک رسائی کے بعد ملزمان تک پہنچے، ایک کمپنی کے دفتر سے ٹیکس ریٹرن فائل کیےگئے، مزیدتحقیقات جاری ہیں۔
وزارت داخلہ نے فوجی عدالتوں کے خلاف فیصلہ چیلنج کردیا
دوسری جانب دو روز قبل ایف بی آر کے ڈائریکٹوریٹ آف انٹلی جنس و انوسٹی گیشن آئی آر نے راولپنڈی کے علاقے تھانہ صادق آباد کی حدود سے جعلی سیلز ٹیکس انوائسز کے کاروبار میں ملوث انتہائی مطلوب ملزم کو گرفتار کیا تھا ، ایف بی آر کے مطابق ملزم کئی ماہ سے سیلز ٹیکس فراڈ میں ملوث افراد اور کمپنیوں کو اربوں روپے کے جعلی سیلز ٹیکس انوئسز تیار کر کے دیتا رہا۔ شکیل نامی ملزم نے اسلام آباد کے پوش علاقے میں دفتر بنا رکھا تھا اور کافی عرصے سے غیر قانونی سرگرمیوں میں ملوث تھا متعلقہ عدالت سے ملزم کا جسمانی ریمانڈ حاصل کر کے مزید تفتیش جاری ہے،تحقیقات کے بعد مزید انکشافات اور گرفتاریاں متوقع ہیں۔
