خیبرپختونخوا حکومت نے کل صوبائی کابینہ کا اجلاس طلب کر لیا ہے جس میں 31 نکاتی ایجنڈے پر غور کیا جائے گا۔
رپورٹ کے مطابق اجلاس میں خیبرپختونخوا حکومت کمیونیکیشن اسٹریٹجی کی منظوری دے گی، کیلاش اور بہائی فیسٹول سمیت نیشنل یوتھ گیمز کے لیے گرانٹس کی منظوری دی جائے گی۔اجلاس میں ڈیم والے اضلاع میں بجلی منافع فنڈز 10 فیصد سے بڑھا کر 15 فیصد کرنے کی منظوری دی جائے گی۔ نوشہرہ میں سفاری پارک کے قیام اور اسلام آباد میں خیبرپختونخوا آرٹس کلچر سینٹر کے قیام کی بھی منظوری دی جائے گی۔
مزید برآں صوبائی حکومت نے کم از کم ماہانہ اجرت 36 ہزار روپے سے بڑھا کر 40 ہزار روپے کرنے کا فیصلہ کیا ہے، کابینہ اجلاس میں اس اضافے کی منظوری دی جائے گی۔
پنجاب میں بارشوں اور سیلاب کے باعث ضمنی الیکشن ملتوی
