دبئی،باغی ٹی وی (ملک خرم شہزاداعوان) حسین محمد، دبئی اور شمالی امارات میں پاکستان کے قونصل جنرل کے طور پر تعینات ہو گئے- نئے قونصل جنرل حسین محمد ایک کیریئر ڈپلومیٹ ہیں اور انہوں نے 2006 میں پاکستان کی فارن سروس میں شمولیت اختیار کی تھی، تب سے وہ وزارت خارجہ، اسلام آباد میں مختلف اہم عہدوں پر خدمات انجام دے چکے ہیں۔
ان کی آخری ذمہ داری وزارت خارجہ اسلام آباد میں ڈپٹی چیف آف پروٹوکول تھی، حسین محمد دبئی، کابل اور جنیوا میں پاکستانی مشنز میں سفارتی ذمہ داریاں انجام دے چکے ہیں، جبکہ حسین محمد نے اس سے قبل 2011 سے 2015 تک پاکستان قونصلیٹ جنرل دبئی میں بھی خدمات انجام دیں ہیں-
