کینٹینرپرحملہ:مختلف شہروں میں ہونیوالےاحتجاج ختم ہونا شروع،راستےبحال
لاہور:سابق وزیراعظم عمران خان کے کنٹینر پر ہونے والے حملے کے نتیجے میں ملک کے مختلف شہروں میں ہونے والا احتجاج ختم ہوچکا ہے اور لوگ اب اپنے اپنے گھروں کو واپس لوٹ چکے ہیں، ،
گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ سے ایک شخص جاں بحق جبکہ عمران خان اور فیصل جاوید سمیت 13 افراد زخمی ہوگئے۔
لاہور میں ہونے والا احتجاج بھی ختم ہوچکا ہے اور لوگ اپنے اپنے گھروں کو واپس جاچکےہیں، اس طرح ملتان، اسلام آباد ، کوئٹہ میں ہونے والے احتجاج ختم ہوچکے ہیں
اس واقعے کے خلاف کراچی میں پاکستان تحریک انصاف کی جانب سےشہر کے مختلف مقامات پر دھرنا اور احتجاج شروع کردیا گیا تھا تام اب ٹریفک پولیس حکام کے مطابق کلفٹن میں تین تلوار چورنگی، جناب برج کیماڑی، ماڑی پور روڈ کے مقامات پر احتجاج ختم کر کے سڑکوں کو ٹریفک کیلئے کھول دیا گیا ہے۔
ذرائع کے مطابق شارع فیصل کے صدر سے ائیرپورٹ کی طرف جانے والے ٹریک پر بھی احتجاج ختم کردیا گیا ہے اور روڈ ٹریفک کے لیے کھول دیا گیا ہے تاہم شارع فیصل پر نرسری کے مقام پر صدر کی طرف جانے والے ٹریک پر اب بھی احتجاج جاری ہے۔
اس کے علاوہ مواچھ موڑ حب ریور روڈ بند کرنے والوں سے مذاکرات کامیاب ہوگئے جس کے بعد روڈ کھل گیا جبکہ ملیر میں نیشنل ہائی وے پر منزل پمپ کے قریب بھی احتجاج ختم ہوگیا۔قائد آباد میں بھی مرکزی شاہراہ کے ایک ٹریک کو ٹریفک کیلئے کھول دیا گیا۔
