کراچی ڈیولپمنٹ اتھارٹی (کے ڈی اے) میں 11 ارب 33 کروڑ روپے کے ٹھیکے ٹینڈر کے بغیر دینے کا انکشاف ہوا ہے۔
وزیرِ اعلیٰ سندھ مراد علی شاہ نے کے ڈی اے کے کنسلٹینسی ٹھیکوں میں بے ضابطگیوں کی تحقیقات کا حکم دے دیا۔صوبائی وزراء ناصر شاہ اور جام خان شورو کو مشترکہ طور پر ان بے ضابطگیوں کی تحقیقات کی ذمہ داری سونپی گئی ہے۔سندھ کنٹریکٹرز ایسوسی ایشن کی جانب سے جمع کرائی گئی شکایت میں الزام لگایا گیا ہے کہ کریم آباد انڈر پاس منصوبے کی لاگت 700 ملین روپے سے بڑھا کر 3 ہزار 810 ملین روپے کر دی گئی۔
شکایت کے مطابق کے ڈی اے نے منصوبہ پرانے ریٹس پر دیا، بعد میں غیر قانونی طور پر نئے ریٹس لاگو کیے گئے، جبکہ منصوبہ منسوخ کرنے کے بجائے پرانے ٹینڈر پر ہی جاری رکھا گیا، جو قواعد کی سنگین خلاف ورزی ہے
