ڈیرہ غازی خان :21 اکتوبرکو میاں نوازشریف کے استقبال کیلئے بارکھاں سے قافلہ ڈیرہ پہنچ گیا

ڈیرہ غازی خان، باغی ٹی وی( نیوز رپورٹرشاہد خان ) 21 اکتوبرکو میاں نوازشریف کے استقبال کیلئے بارکھاں سے قافلہ ڈیرہ پہنچ گیا
تفصیل کے سابق صوبائی وزیر بلوچستان سردار عبدالرحمن خان کھتران کی ہداہت پر 21 اکتوبر کو تین مرتبہ کے وزیر اعظم کی آمد کے سلسلہ میں ضلع بارکھان سے استقبال کے لئے کھتران قبیلے کا ایک بہت بڑا کاروان ڈیرہ غازی خان پہنچا تو شریف خان کھتران کی جانب سے پرتکلف عشائیہ دیا گیا

مینار پاکستان جلسہ کے لئے جانے والے اس قافلے کی قیادت میر ایوب خان کھتران، میر شاہجہان کھتران عیشانی کر رہے تھے جس میں بارکھان سے تعلق رکھنے والے چیئرمین کونسلروں سمیت کھتران قبیلہ کے عوام نے بڑی تعداد میں شرکت کی

اس موقعہ پر شرکا ئے قافلہ سے وڈیو لنک پر خطاب کرتے ہوئے سابق صوبائی وزیر سردار عبدالرحمن خان کھتران نے کہا کہ تین مرتبہ کے قابل احترام وزیر کا استقبال ہماری اولین ذمہ داری ہے انہوں نے کہا کہ میری غیر موجودگی میں کھتران قبیلے کے معززین و عوام نے لبیک کہا ان کا دلی شکریہ ادا کرتا ہوں

ہمارا یہ قافلہ مینار پاکستان میاں نواز شریف کے استقبال کے لئے روانہ ہے منزل پر پہنچ کر بلوچستان کے عوام کی جانب سے تاریخی استقبال کیا جائے گا