کرونا کے خلاف عمران خان کی قیادت میں حاصل کریں گے فتح، فیاض الحسن چوہان
باغی ٹی وی کی رپورٹ کے مطابق پنجاب کے صوبائی وزیرِ اطلاعات فیاض الحسن چوہان نے یومِ پاکستان کے حوالے سے پیغام میں کہا ہے کہ پوری پاکستانی قوم کو یومِ پاکستان مبارک ہو۔
فیاض الحسن چوہان کا کہنا تھا کہ 23 مارچ 1940 کو برصغیر کے مسلمانوں نے قائداعظم کی قیادت میں علیحدہ ملک کے لیے جدوجہد شروع کی۔ سات سال عظیم الشان جدوجہد کے بعد مسلمانوں نے کامیابی حاصل کی۔ آج قائد، اقبال اور چوہدری رحمت علی کا پاکستان کرونا سے نبرد آزما ہے۔ آج ہمارے قائد وزیرِ اعظم پاکستان عمران خان ہیں
فیاض الحسن چوہان نے مزید کہا کہ آج اسی جذبے سے قوم کو کرونا کے خلاف متحد ہونے کی ضرورت ہے۔ کرونا کے خلاف جنگ ہم نے سیاسی مفادات، پوائنٹ سکورنگ اور کھینچا تانی سے بالاتر ہو کر جیتنی ہے۔ پاکستان کے لیے یہ جنگ 48، 65, 71 اور کارگل سے زیادہ خطرناک ہے۔ ہمارا نعرہ "جگ جگ جیوے پاکستان”، "جان سے پیارا پاکستان”، "سب سے پہلے پاکستان”، ہے۔ وزیرِ اعظم عمران خان کی قیادت میں اتحاد اور اتفاق سے کرونا کے خلاف فتح حاصل کریں گے۔
