کرونا میں ایوی ایشن انڈسٹری بحران کا شکار،ہیتھروکا ٹرمینل فور کے حوالہ سے بڑا اعلان
باغی ٹی وی کی رپورٹ کے مطابق چین سے پھیلنے والے خطرناک کرونا وائرس کی وجہ سے دنیا کے کئی ممالک نے لاک ڈاؤن نافذ کئے اور فضائی سروس بھی معطل کی جس کی وجہ سے ایوی ایشن انڈسٹری کو بھی کافی نقصان اٹھانا پڑا
اب برطانوی خبر رساں ادارے نے دعویٰ کیا ہے کہ ہیتھرو اگلے سال کے آخر تک ٹرمینل 4 بند رکھے گا ، ہیتھروحکام کا کہنا ہے کہ وہ اگلے سال کے اختتام تک ٹرمینل 4 کو بند رکھے گا اگر وبائی مرض کرونا کا سلسلہ چلتا رہا تو،کمپنی کا کہنا تھا کہ نومبر میں ہوائی اڈے پر مسافروں کی تعداد 88 فیصد کم ہوگئی تھی اور سفری پابندیوں کی وجہ سے کمپنی کو بہت نقصان ہوا
ہیتھرو حکام کے مطابق آنے والے دنوں میں کرونا کی صورتحال کے حوالہ سے پیش گوئی اور موجودہ ٹریفک کی بنیاد پر وہ 2021 کے اختتام تک ٹرمینل 4 کی بندش میں توسیع کریں گے
ہیتھرو نے مئی میں پہلے قومی لاک ڈاؤن کے دوران ٹرمینل بند کردیا تھا۔ اس کے نتیجے میں ایئر فرانس ، اتحاد اور کے ایل ایم جیسی ایئر لائنز ٹرمینل 2 کی طرف گامزن ہوگئی تھیں
اس کے علاوہ ،انجینئرنگ گروپ ، جو تجارتی طیاروں کے لئے انجن بناتے ہیں ، رولس روائس کا کہنا ہے اسے توقع ہے کہ اگلے سال کی پہلی ششماہی میں ہوائی سفر "آہستہ آہستہ” ٹھیک ہوجائے گا کیونکہ زیادہ سے زیادہ لوگوں کو کوڈ ویکسین مل جائے گی ،تاہم ، اس وقت ، انگلینڈ میں دوسرا لاک ڈاؤن کی وجہ سے ایئر لائن انڈسٹری بحران کا شکار ہے۔
جمعرات کو ، برطانیہ کی حکومت نے مشہور سیاحتی مقام کینری جزیرے کو قرنطائن کی فہرست میں شامل کیا۔ ہفتہ کی صبح سے ہی جزیروں سے برطانیہ لوٹنے والے لوگوں کو خود سے الگ تھلگ ہونا پڑے گا۔
یہ بھی سامنے آیا ہے کہ یکم جنوری کو برطانیہ سے یورپی یونین جانے والے لوگوں کو داخلے سے روک دیا جاسکتا ہے۔ہیتھرو نے حکومت سے مطالبہ کیا کہ تمام ہوائی اڈوں کے لئے کاروباری شرحوں میں ریلیف بڑھایا جائے اور "تباہ کن” ٹورسٹ ٹیکس کو ترک کیا جائے۔
ہیتھرو کے چیف ایگزیکٹو جان ہالینڈ کی نے کہا کہ "2021 برطانیہ کی معاشی بحالی کا سال ہونا چاہئے ،”لیکن حالیہ اعلانات ، جیسے ٹورسٹ ٹیکس ، کاروباری اداروں جیسے ریستوراں ، ہوٹلوں اور تھیٹروں کا جو اندرون ملک سیاحوں پر انحصار کرتے ہیں کو ریلیف ملنا چاہئے،حکومت کو ہوابازی کے شعبے کو زندہ رہنے میں مدد فراہم کرنا چاہئے۔
