کرونا ایس او پیز کی خلاف ورزی، صوبائی وزیر کیخلاف مقدمہ درج
باغی ٹی وی کی رپورٹ کے مطابق کرونا ایس او پیز کی خلاف ورزی پر صوبائی وزیر کے خلاف مقدمہ درج کر لیا گیا
کورونا ایس او پیز کی خلاف ورزی پر وزیر صحت خیبر پختونخوا تیمور سلیم جھگڑا کے خلاف مقدمہ درج کر لیا گیا ہے، خیبر پختونخوا کے وزیر صحت تیمور سلیم جھگڑا نے پابندی کے باوجود افطار پارٹی میں شرکت کی۔ صوبائی وزیر صحت کے خلاف مقدمہ اسسٹنٹ کمشنر عادل ایوب کی مدعیت تھانہ سربند میں درج کیا گیا ہے مقدمے میں نجی ریسٹورٹ کے مالک اور مینیجر کو بھی نامزد کیا گیا ہے۔
افطار پارٹی کا اہتمام پشاور کے ایک مقامی ہوٹل میں کیا گیا تھا اور اس افطار پارٹی میں صوبائی وزیر کے ساتھ پارٹی کارکنان بھی شریک تھے۔ ہوٹل انتطامیہ کا کہنا تھا کہ ہم سے صرف ریسٹورنٹ کھولنے کی درخواست کی گئی تھی۔ پی ٹی آئی رہنما اپنے ساتھ باورچی اور کھانے کا سامنا لے کر آئے تھے۔
ضلعی انتظامیہ پشاورنے سوشل میڈیا پر چلنے والی خبر پر فوری نوٹس لیا اور ضلعی انتظامیہ پشاور نے حجرہ ریسٹورنٹ کو سیل کر دیا،سوشل میڈیا پر تصاویر اور خبر وائرل ہوئی تھی کہ حجرہ ریسٹورنٹ میں وزیر صحت تیمور سلیم جھگڑا سمیت سینکڑوں افراد افطاری کر رہے ہیں،ضلعی انتظامیہ کی ٹیم نے ریسٹورنٹ پر چھاپہ مارا حجرہ ریسٹورنٹ کے منیجر کے مطابق انھوں نے وزیر صحت کو منع کیا کہ ریسٹورنٹ کے اندر کھانا کھلانے پر پابندی ہے منیجر کے مطابق شرکاء اپنے ساتھ باہر سے کھانا لائے،وزیر صحت تیمور سلیم جھگڑا سمیت حجرہ ریسٹورنٹ کے منیجر اور مالک کے خلاف کارروائی کے لیے پولیس کو مراسلہ جاری کر دیا گیا ہے
