کرونا وائرس کا خدشہ، شاپنگ مالز نے بھی احتیاطی تدابیر پر عمل شروع کر دیا
باغی ٹی وی کی رپورٹ کے مطابق کرونا وائرس کے خدشے کے پیش نظر پنجاب کے صوبائی دارالحکومت لاہور میں شاپنگ مالز نے بھی احتیاطی تدابیر پر عمل کرنا شروع کر دیا ہے
لاہور میں معروف پیکجز مال کی جانب سے شہریوں کو ہدایات جاری کی گئی ہیں، پیکجز مال کی جانب سے کہا گیا ہے کہ حفاظتی اقدامات مزید سخت کرین گے، بخار چیک کرنے والی مشیینیں لگائیں گے، ملازمین کی ٹریول ہسٹری چیک کریں گے، پیکجز مال نے آنے والے گاہکوں کو بھی کہا ہے کہ وہ غیر ضروری سفر سے گریز کریں .پیکجز مال عام روٹین کے مطابق کھلا رہے گا تا ہم احتیاطی تدابیر پر عمل کیا جائے گا ، اس ضمن میں پیکجز مال کی انتظامیہ کا مزید کہنا ہے کہ شہری ہاتھ دھوئیں ، بخار، کھانسی کی صورت میں ہسپتال سے رجوع کریں، ملازمین کو بھی بچاؤ کے لئے ماسک اور دستانے دیئے جائیں گے.
قبل ازیں دو روز قبل اسسٹنٹ کمشنر ماڈل ٹاؤن ذیشان نصر اللہ رانجھا نے پیکجز مال میں سینما گھر کو سیل کر دیا.ڈپٹی کمشنر لاہور دانش افضال نے کورونا وائرس کے سلسلے میں سینما گھروں کو 03 ہفتوں کے لئے بند کرنے کی ہدایات جاری کر رکھی تھیں.
