کرونا وائرس کا خوف، پرنس چارلس نے تقریب میں ہاتھ ملانے سے کیا گریز

باغی ٹی وی کی رپورٹ کے مطابق کرونا وائرس کے خوف کے پیش نظر دنیا بھر کی اہم شخصیات نے مصافحہ کرنا ترک کر دیا ہے

سوشل میڈیا پر ایک ویڈیو وائرل ہوئی ہے جس میں پرنس چارلس نے بھی احتیاطی اقدامات اپناتے ہوئے ایک تقریب میں وہاں پر موجود لوگوں کے ساتھ مصافحہ کرنے سے گریز کیا۔

پرنس چارلس جب تقریب میں پہنچے تو انکا ریڈ کارپٹ استقبال کیا گیا، انہوں نے گاڑی سے اترتے ہی ایک شخص سے ہاتھ ملانے کے لئے ہاتھ آگے کیا لیکن پھر انہیں یاد آیا تو ہاتھ واپس کھینچ لیا، مصافحہ نہیں کیا، بعد ازاں استقبال کے لئے آنے والے دیگر افراد کے پاس گئے تو وہاں بھی ایک شخص سے مصافحہ کے لئے ہاتھ بڑھا کر واپس کر لیا، انہوں نے تقریب میں کسی سے مصافحہ نہیں کیا.

شاهزاده چارلز، ولیعهد #بریتانیا، هنگام ورود به یک مراسم رسمی و درحالی که قصد دست دادن با استقبال‌کنندگان را داشت، به دلیل شیوع #ویروس_کرونا، ناگهان از دست دادن امتناع کرد. pic.twitter.com/shJ8Max6pH

— ايران اينترنشنال (@IranIntl) March 12, 2020

سوشل میڈیا پر وائرل ویڈیو میں دیکھا جا سکتا ہے کہ پرنس چارلس کے اس اقدام پر وہاں پر موجود لوگ جہاں قہقہے لگا رہے تھے وہیں پرنس چارلس اس موقع پر کافی پریشان دکھائی دیئے اور مصافحہ کے بغیر ہی تقریب میں موجود لوگوں کو ہیلو ہائے کہتے رہے اور مسکراتے بھی رہے.