کرونا سے اموات مزید بڑھنے لگیں، 24 گھنٹوں میں 54 اموات

باغی ٹی وی کی رپورٹ کے مطابق پاکستان میں کرونا کی لہر جاری ہے، کرونا مریضوں اور اموات میں مسلسل اضافہ ہو رہا ہے

این سی او سی کے مطابق کورونا وائرس کے سبب پاکستان میں گزشتہ 24 گھنٹوں میں مزید 54 اموات ہوئی ہیں جس کے بعد مرنے والوں کی کل تعداد 11 ہزار 157 ہوگئی ہے۔ 24 گھنٹوں میں کورونا کے 2 ہزار 363 نئے کیسز سامنے آئے ہیں جس کے بعد مریضوں کی مجموعی تعداد 5 لاکھ 27 ہزار 146 ہو گئی ہے

این سی او سی کے مطابق گزشتہ چوبیس گھنٹوں میں 47 اموات ہسپتالوں میں ہوئی ہیں جبکہ سات باہر گھرون میں ہوئی ہیں،ملتان،اسلام آباد،لاہور، پشاور کرونا کے سب سے زیادہ متاثرہ شہر ہیں،

این سی او سی کے مطابق اسلام آباد میں کورونا کیسزکی تعداد 40 ہزار 430، خیبر پختونخوا میں 64 ہزار 373، سندھ میں 2 لاکھ 38 ہزار 470، پنجاب میں ایک لاکھ 51 ہزار 603، بلوچستان میں 18 ہزار 670، آزاد کشمیر میں 8 ہزار 706 اور گلگت بلتستان میں 4 ہزار 894 افراد کورونا مریض سامنے آ چکے ہیں

کورونا کے سبب سب سے زیادہ اموات پنجاب میں ہوئی ہیں جہاں 4 ہزار 501 افراد جان کی بازی ہار چکے ہیں جبکہ سندھ میں 3 ہزار 843، خیبر پختونخوا میں ایک ہزار 811، اسلام آباد میں 460، گلگت بلتستان میں 102، بلوچستان میں 192 اور آزاد کشمیر میں 248 افراد جان کی بازی ہار چکے ہیں۔ ملک میں کورونا 4 لاکھ 80 ہزار 696 افراد صحتیاب ہو چکے ہیں اور فعال مریضوں کی تعداد 35 ہزار 293 ہے۔

پہلے50ہزار کیسز 86 دنوں اور آخری پچاس ہزار کیسز صرف بائیس روز میں سامنے آئے۔ پاکستان میں کورونا کا پہلا کیس 26 فروی کو سامنے آیا جبکہ کورونا سے پہلی موت اٹھارہ مارچ کو رپورٹ ہوئی۔