پیرو میں عدالت نے سابق صدر اولانٹا ہمالا اور ان کی اہلیہ نادین ہریڈیا کو کرپشن کرنے پر15 سال قید کی سزا سنائی دی ۔
برطانوی میڈیا کی رپورٹ کے مطابق ہمالا اور ان کی اہلیہ کو 2017 سے 2018 تک قبل از مقدمہ حراست میں رکھا گیا تاکہ وہ ملک سے فرار نہ ہو سکیں۔ مقدمہ 2022 میں شروع ہوا تھا اور دونوں کے ساتھ آٹھ دیگر افراد کو بھی سزا سنائی گئی ہے۔اوڈی بریچٹ نے 2016 میں لاطینی امریکا میں وسیع پیمانے پر رشوت ستانی کا اعتراف کیا تھا، جس کے بعد پیرو میں متعدد سابق صدور، وزراء، اور سیاسی رہنماؤں کے خلاف تحقیقات کا آغاز ہوا۔ ان میں سابق صدر ایلن گارسیا بھی شامل تھے، جنہوں نے گرفتاری کے وقت خودکشی کر لی تھی۔
عدالت نے قرار دیا کہ ہمالا اور ان کی اہلیہ نے اوڈی بریچٹ اور اُس وقت کے وینزویلا کے صدر ہیگو شاویز کی حکومت سے لاکھوں ڈالر وصول کیے۔اس سزا کے بعد وہ پیرو کی تاریخ کے تیسرے صدر بن گئے ہیں۔ جنہیں کرپشن کے جرم میں قید کی سزا سنائی گئی ہے۔ یاد رہے، سابق صدر الیجاندرو toldo کو 2024 میں 20 سال اور البیٹو فوجی موری کو انسانی حقوق کی خلاف ورزیوں سمیت متعدد جرائم پر سزا ہو چکی ہے۔
پاکستان کو کویت نے تیل کریڈٹ سہولت میں توسیع دیدی
