مرکر بھی کرپشن کی رقم کرنی ہو گی ادا، چیف جسٹس نے بڑا فیصلہ سنا دیا

سپریم کورٹ نے بڑا فیصلہ سناتے ہوئے کرپشن کی رقم 3 کروڑ روپے ادا کرنے کا حکم دے دیا.

باغی ٹی وی کی رپورٹ کے مطابق سپریم کورٹ میں مرحوم ڈی ایس پی جمیل اختر کیانی اور اہلیہ ریاض بی بی کی اپیلوں پر کیس کی سماعت ہوئی، عدالت نے اپیلوں پر فیصلہ سنا دیا، چیف جسٹس آف پاکستان نے کرپشن کی 3 کروڑ روپے رقم ادا کرنے کا حکم دیا، چیف جسٹس کا کہنا تھا کہ کرپشن کی رقم تو واپس کرنا ہو گی

مجرمان کے وکیل نے کہا کہ نیب نے ہمارے 1995 کے بعد کے اکاؤنٹ بھی ضبط کر لیے تھے، جرمانے کی 3 کروڑ روپے رقم ادا نہیں کر سکتے.

چیف جسٹس نے فیصلہ میں مزید کہا کہ اس پلاٹ کی موجودہ مالیت ڈھائی ارب روپے سے زیادہ ہوگی ،50سال پہلے ڈھائی کروڑ روپے کا پلاٹ لیا گیا، جرمانے کی رقم کی گئی کرپشن سے بہت کم ہے،کرپشن کی رقم مرکر بھی ادا کرنا ہوگی،سپریم کورٹ نے ایک مرتبہ پھر واضح کر دیا . چیف جسٹس نے کہا کہ 2003 میں کیا گیا 3 کروڑ روپےجرمانہ آج کے حساب سے انتہائی کم ہے.

نیب نے عدالت میں کہا کہ جمیل اختر کیانی 1959 بھرتی اور 1995 میں ڈی ایس پی پولیس ریٹائرڈ ہوئے ،

چیف جسٹس پاکستان آصف سعید کھوسہ نےکہا کہ جرمانہ کم نہیں،زیادہ ہو سکتا ہے،کرپشن کا ساری عمر لوگ استعمال کرتے ہیں ،ایشو یہ نہیں کہ اثاثوں پر مزے کیے گئے،ایشو یہ ہے9کروڑ روپے کےاثاثےکب اورکیسے بنے ؟

واضح رہے کہ جمیل اختر کیانی پر کرپشن اور اختیار کے ناجائز استعمال کا الزام تھا ،ٹرائل کورٹ نے جمیل اخترکیانی اور اس کی اہلیہ کو10اور 5 سال قید سزا کیساتھ 30 ملین جرمانہ کیا تھا، ہائیکورٹ نے بھی جمیل اخترکیانی کے خلاف ٹرائل کورٹ کا فیصلہ برقرار رکھا تھا