عدالت پیشی پر جانیوالے تین افراد قتل

سندھ کے علاقہ گھوٹکی میں عدالت پیشی جانے والے تین افراد کو قتل کر دیا گیا گیا

باغی ٹی وی کی رپورٹ کے مطابق سندھ کے ضلع گھوٹکی کے علاقہ ڈہرکی میں افسوسناک واقعہ پیش آیا،دیرینہ دشمنی کی بنیاد پر تین افراد کو گولیاں مار کر قتل کر دیا گیا، دو برادریوں کے درمیان دشمنی کے نتیجے میں تین مزید افراد موت کی بھینٹ چڑھ گئے

مسلح افراد نے قبول کوری، جیٹوں کوری، جلال کوری کو عدالت جاتے ہوئے قتل کیا،. واقعہ کی اطلاع ملنے پر سیکورٹی حکام موقع پر پہنچ گئے، اور لاشوں کو پوسٹ مارتم کے لئے ہسپتال منتقل کر دیا،

پولیس کا کہنا ہے کہ دو سال قبل کارو کاری کے تنازع پر کوری برادری کے افراد نے لُنڈ برادری کے دو افراد کو قتل کردیا تھا۔ جس کا لنڈ برادری نے بدلہ لیا ہے ،پولیس نے مقدمہ درج کر لیا ہے، علاقہ میں تین افراد کے قتل پر خوف و ہراس ہے.