عدالت نے مراد سعید کو سنائی خوشخبری

اسلام آباد ہائیکورٹ، سابق وفاقی وزیر مراد سعید کا مقدمات کی تفصیلات فراہمی، گرفتاری سے روکنے کی درخواست پر سماعت ہوئی

اسلام آباد ہائی کورٹ نے کیسوں کی تفصیلات آنے تک مراد سعید کی گرفتاری سے روکنے کا حکم دے دیا، عدالت نے حکم دیا کہ مراد سعید کے خلاف کوئی تادیبی کارروائی نہ کی جائے، جسٹس ارباب محمد طاہر نے کہا کہ مناسب احکامات جاری کریں گے، فریقین کو بلا کر پوچھ لیتے ہیں. عدالت نے فریقین کو نوٹس جاریکر دیئے اور اگلے ہفتے تک جواب طلب کر لیا، کیس کی سماعت اسلام ہائیکورٹ کے جسٹس ارباب محمد طاہر نے کی ،درخواستگزار کی جانب سے شیر افضل مروت ایڈووکیٹ عدالت میں پیش ہوئے

وکیل درخواست گزار کا کہنا تھا کہ میرے موکل کے خلاف درج مقدمات کی تفصیلات فراہم کرنے کا حکم دیا جائے. ایف آئی اے سمیت دیگر اداروں میں جاری انکوائری اور تفتیش کی تفصیلات بھی فراہم کی جائیں درخواست پر فیصلہ آنے تک مراد سعید کو گرفتار کرنے سے روکا جائے. عمران خان کو عہدے سے ہٹانے کیخلاف پی ٹی آئی نے احتجاج کیا، سوات میں اس احتجاج کو لیڈ کیا.پی ٹی آئی کے ہزاروں کارکنوں کو گرفتار کیا گیاہے. پی ٹی آئی کارکنوں کے گھروں پر چھاپے مارے گئے ہیں.میڈیا کے زریعے علم میں آیا کہ ن لیگ کے کارکنان کی درخواستوں پر مقدمے درج ہوئے، اسلام آباد کے مختلف تھانوں میں مقدمات درج کئے گئے ہیں.وزیر داخلہ اعلانیہ مراد سعید کو دھمکیاں دے رہے ہیں.جنگجووں کیخلاف سوات میں کامیاب امن ریلی نکالنے کیخلاف ٹی ٹی پی سے دھمکیاں مل رہی ہیں.شدید سیکورٹی خدشات کے باوجود سیکورٹی واپس لے لی گئی.انہیں مناسب سیکورٹی فراہم کرنے کے احکامات جاری کئے جائیں.عدالت نے استفسار کیا کہ کیا آپ نے درخواست میں سیکورٹی کی استدعا کی ہے. وکیل درخواست گزار نے کہا کہ جی ہم نے سیکیورٹی کی استدعا بھی کی ہے. جسٹس ارباب محمد طاہرنے ریمارکس دیتے ہوئے کہا کہ اس پر ہم مناسب احکامات جاری کریں گے، فریقین کو بلا کر پوچھ لیتے ہیں.عدالت نے فریقین کو نوٹس جاری کرتے ہوئے سماعت اگلے ہفتے تک ملتوی کردی

واضح رہے کہ تحریک انصاف کے رہنما مراد سعید سمیت دیگر رہنماؤں پر مقدمے درج ہو چکے ہیں،عمران خان زمان پارک میں موجود ہیں جہاں وہ گرفتاری سے بچنے کے لئے کارکنان کو ڈھال بناتے ہیں تو دوسری جانب تحریک انصاف کے دیگر کئی رہنما آزاد کشمیر یا گلگت میں موجود ہیں جہاں تحریک انصاف کی حکومت ہے، کارکنا ن کو جیل بھرو تحریک کا درس عمران خان دیتے تھے تا ہم عمران خان کے قریبی ساتھی گرفتاریوں سے بچنے کے لئے نہ صرف چھپے ہوئے ہیں بلکہ ضمانتیں بھی کروا رہے ہیں

اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم

‏ارشد شریف کو گولی کیسے لگی؟ حقائق سامنے آ گئے

ارشد شریف کی موت،قیاس آرائیوں سے گریز کیا جائے،وفاقی وزیر اطلاعات

جویریہ صدیق نے ٹویٹر پر ارشد شریف کی جانب سے مریم نواز کی والدہ کے لیے دعا کا سکرین شاٹ شیئر کیا اور مریم نواز کو مخاطب کرتے ہوئے کہا کہ کچھ شرم کر۔ اللہ سے ڈر