بہاولپور:جرم ثابت ہونے پر منشیات ڈیلر کو ساڑھے پانچ سال قید با مشقت اور جرمانے کی سزا

اوچ شریف باغی ٹی وی (نامہ نگار حبیب خان) ایڈیشنل سیشن جج بہاولپور محمد خالد اسحاق نے جرم ثابت ہونے پر منشیات ڈیلر کو ساڑھے پانچ سال قید با مشقت اور جرمانہ کا حکم سنا دیا۔

پولیس تھانہ صدر بہاولپور نے پشین بلوچستان کے رہائشی منشیات ڈیلر راز محمدسے چرس کی بھاری مقداربرآمد کرکے مقدمہ نمبر327/21بجرم 9(C)درج کیاتھا۔

مجرم اپنی کرولا کار پر مختلف علاقوں میں منشیات سپلائی کرتا تھا۔

عدالت نے کیس کی سماعت کے بعد جرم ثابت ہونے پر مجرم راز محمد کو ساڑھے پانچ سال قید با مشقت،25ہزار روپے جرمانہ اور مجرم کی کار کرولا بحق سرکار ضبط کرنے کی سزا کا حکم سنا دیا۔ عدم ادائیگی جرمانہ پر مجرم کومزید ساڑھے پانچ ماہ قید بھگتنا ہوگی