الیکشن 2024: کوریج کیلئے غیر ملکی صحافیوں کو اجازت نامے جاری
![election vote](https://baaghitv.com/wp-content/uploads/2023/07/election-vote.png)
اسلام آباد: : الیکشن کمیشن نے انتخابات 2024 کی کوریج کے لیے غیرملکی صحافیوں کو اجازت نامے جاری کردئیے۔
باغی ٹی وی : تفصیلات کے مطابق پہلے مرحلے میں 13 ممالک کے 49 صحافیوں کو الیکشن کوریج کے اجازت نامے دئیے گئے ہیں، چین، جاپان، امریکا، برطانیہ،کینیڈا، فرانس ، ہانگ کانگ،سربیا، سویڈن، جرمنی، آسڑیلیا، تھائی لینڈ اور سنگاپور کے صحافیوں کو اجازت نامے جاری کیےگئے ہیں۔
غیر ملکی مبصرین کی جانب سے درخواستیں جمع کروانے کا آخری روز 20 جنوری تھا ، الیکشن کمیشن کی جانب سے 2لاکھ ایکریڈیشن کارڈ پرنٹ کیےگئے ہیں یورپی یونین،کامن ویلتھ ممالک کے وفود بھی الیکشن کا مشاہدہ کرنےکے لیے آئیں گے، عام انتخابات کے لیے تقریباً 136غیرملکی صحافیوں نےکوریج کے لیے درخواستیں دے رکھی ہیں، بقیہ غیرملکی صحافیوں کوپراسس مکمل ہونے پر اجازت نامے جاری کیے جائیں گے-