کرکٹ فینز کے لئے خوشخبری ،پی ایس ایل کے بقیہ میچز کی منظوری مل گئی

کرکٹ فینز کے لئے خوشخبری ،پی ایس ایل کے بقیہ میچز کی منظوری مل گئی

باغی ٹی وی کی رپورٹ کے مطابق کرکٹ فینز کے لئے خوشخبری پاکستان کرکٹ بورڈ کو ابوظہبی میں ایچ بی ایل پی ایس ایل 6 کے بقیہ 20 میچز کروانے کے لیے تمام معاملات پر منظوری مل گئی ہے۔

پی سی بی اور فرنچائزمالکان کے درمیان آن لائن اجلاس کے بعد انتظامات کوحتمی شکل دی جائے گی .فریقین کےدرمیان آن لائن اجلاس آج دوپہرکوہوگا چیف ایگزیکٹو پی سی بی وسیم خان کا کہنا ہے کہ ابوظہبی میں ایونٹ کے انعقاد کے سلسلےمیں حائل تمام رکاوٹیں ختم ہو گئی ہیں،ہم اب ایونٹ کے انعقاد کیلئے مکمل طورپرتیارہیں،

کرکٹ فینز کے لئے خوشخبری:

پاکستان کرکٹ بورڈ کو ابوظہبی میں ایچ بی ایل پی ایس ایل 6 کے بقیہ 20 میچز کروانے کے لیے تمام معاملات پر منظوری مل گئی ہے۔#HBLPSL6 pic.twitter.com/9K5b8jRBuC

— Pakistan Cricket (@TheRealPCB) May 20, 2021

خیال رہے کہ پاکستان سپر لیگ سیزن 6 کا آغاز 20 فروری کو کراچی سے ہوا تھا اور ایونٹ کے میچز اس مرتبہ ملک کے دو شہروں کراچی اور لاہور میں کھیلے جانے تھے تاہم 4 مارچ کو پاکستان سپر لیگ کو 7 کھلاڑیوں اور دیگر میں کورونا کیسز سامنے آنے کے بعد ملتوی کرنے کا فیصلہ کیا گیا۔

کورونا وائرس کے باعث اس مرتبہ ایونٹ کی افتتاحی تقریب بھی ریکارڈ پیش کی گئی تھی جبکہ تماشائیوں کی اجازت بھی ابتدا میں 20 فیصد تک تھی جسے بعد ازاں حالات کو دیکھتے ہوئے 50 فیصد تک کردیا گیا تھا