کرکٹ وکٹوریہ بابر اعظم سے معاہدے کی خواہشمند

لاہور: ‏پاکستان کرکٹ ٹیم کے سابق کپتان بابر اعظم سے کرکٹ وکٹوریہ نے معاہدے کی خواہش کا اظہار کردیا۔

باغی ٹی وی : ذرائع کے مطابق میلبرن میں پاکستان کرکٹ ٹیم کے قیام کے دوران کرکٹ وکٹوریہ کے عہدیداران کی بابراعظم سے ملاقات ہوئی ملاقات میں بابراعظم کو میلبرن اسٹارز یا رینیگیڈز سے اوپننگ کرنے کی پیشکش کی گئی ہے –

ذرائع کے مطابق معاہدے کے لیے بابر اعظم اور کرکٹ وکٹوریہ کے درمیان ابتدائی بات چیت بھی ہو ئی ہے کرکٹ وکٹوریہ سابق کپتان بابر اعظم سے معاہدے کی خواہشمندہے جس کے لیے کرکٹ وکٹوریہ نے بابراعظم کو بگ بیش اور اسٹیٹ کرکٹ کھیلنے کی پیشکش کردی ہے، کرکٹ وکٹوریہ سابق کپتان کو طویل طرز کے لیے کنٹریکٹ دینے کی خواہشمند ہے۔

ذرائع کرکٹ وکٹوریہ کا کہنا ہے کہ خواہش ہے بابراعظم کرکٹ وکٹوریا کے لیے ریڈ بال کرکٹ بھی کھیلیں، دوسری جانب بابراعظم نے کنٹریکٹ کے لیے مشروط آمادگی کا اظہار کیا ہے، بابر اعظم نے جواب دیا ہے کہ رواں سال ستمبر سے جنوری تک پاکستان کی مصروفیت دیکھ کر فیصلہ کریں گے ۔