کروڑوں کی مشینری ضائع،بارش نے پول کھول دیا

قصور
نئے سال کی پہلی بارش نے میونسپل انتظامیہ الہ آباد کا پول کھول کر رکھ دیا کروڑوں روپے کی مشینری بھی کسی کام نہ آ سکی۔ شہر دریا کا منظر پیش کرنے لگا ۔تمام داخلی و خارجی سڑکوں پر پانی ہی پانی ۔گاڑی اور موٹر سائیکل سواروں کو شدید پریشانی
تفصیلات کے مطابق میونسپل کمیٹی الہ آباد میں نئے سال کی پہلی بارش نے پورے شہر کو پانی پانی کر دیا ۔لاکھوں کی آبادی والے شہر میں نکاسی آب کا نظام فیل ہو کر رہ گیا کروڑوں روپے کی مشینری بھی کسی کام نہ آسکی۔ شہر کی چاروں داخلہ اور خارجی سڑکیں پانی میں ڈوب گئیں گزرنے والے موٹر سائیکلیں اور گاڑی سوار خوار ہو کر رہ گئے پانی میں ڈوبی سڑکوں میں پڑے گڑھے اور تین چار فٹ تک کھڑا پانی عوام کے لئے وبال جان بن گئے ہیں۔ کئی گاڑیاں ناکارہ ہو چکی۔اور کئی جانیں ان ٹوٹی سڑکوں نے لے لی ہےعوامی سماجی اور تاجر برادری نے ڈی سی قصور سے فوری نوٹس کی اپیل کی ہے