راولپنڈی: اے این ایف کی مختلف کارروائیاں ، 8 کروڑ روپے سے زائد مالیت کی 437 کلو گرام منشیات برآمد کرکے 9 ملزمان کو گرفتار کر لیا۔
باغی ٹی وی : ترجمان اے این ایف کے مطابق ایم ون ٹول پلازہ اسلام آباد کے قریب گاڑی سے 6 کلو گرام چرس برآمد کرکے ملزم کو گرفتار کیا گیا موٹروے اسلام آباد کے قریب ملزم سے 3.6 کلو گرام چرس برآمد ہوئی، جبکہ کالابٹ ٹاؤن بائی پاس ہری پور میں ملزم سے 3.6 کلو گرام چرس برآمد کی گئی،گرفتار ملزمان نے تعلیمی اداروں کے طلباء کو منشیات فروخت کرنے کا اعتراف بھی کیا،چکلالہ گیریژن راولپنڈی میں آئی ایم او آفس میں اونٹاریو سے بھیجے گئے پارسل سے 64 گرام ویڈ برآمد کی گئی،رنگ روڈ پشاور کے قریب ٹرک سے 58.8 کلو گرام چرس برآمد کرکے ملزم کو گرفتار کیا گیا۔
ترجمان کے مطابق رنگ روڈ لاہور پر گاڑی سے 141.6 کلو گرام چرس اور 16.8 کلو گرام افیون برآمد کرکے ملزم کو گرفتار کیا گیا ،پھلاں والا چوک شاہدرہ لاہور میں ملزم سے 30 کلو گرام افیون برآمد ہوئی، فیض پور انٹرچینج لاہور کے قریب 27.6 کلو گرام چرس برآمد کرکے ملزم کو گرفتار کیا گیا۔ لاہور ایئر پورٹ پر کارگو کمپلیکس سے سعودی عرب بھیجے جانے والے دو کارٹن سے کپڑوں میں جذب 21.5 کلو گرام آئس برآمد کی گئی۔
ترجمان اے این ایف کے مطابق شمالی بائی پاس گڈاپ ٹاؤن کراچی میں گاڑی سے 126 کلو گرام چرس برآمد کرکے ملزم گرفتار کر لیا گیا۔ کراچی ایئرپورٹ پر بحرین جانے والے مسافر سے 1.2 کلو گرام آئس برآمد کی گئی،ترجمان کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
