کسٹمز انٹیلی جنس اینڈ انویسٹی گیشن کی کاروائی، کروڑرں کی چھالیہ اور نان کسٹم پیڈ گاڑیاں ضبط

کراچی: ڈائریکٹوریٹ آف کسٹمز انٹیلی جنس اینڈ انویسٹی گیشن کراچی نے انسداد اسمگلنگ مہم کے تحت 5.4 کروڑ روپے مالیت کی چھالیہ اور نان کسٹم پیڈ گاڑیاں ضبط کرلی ہیں۔

باغی ٹی وی: تفصیلات کے مطابق ڈائریکٹر کسٹمزانٹیلی جنس کراچی کو اطلاع موصول ہوئی کہ ایک ڈمپر کے ذریعے بھاری مقدار میں چھالیہ اسمگل کرنے کی کوشش کی جارہی ہے جس پر ڈپٹی ڈائریکٹر انعام اللہ وزیر کی قیادت میں ایک چھاپہ مار ٹیم تشکیل دی گئی جس نے نادرن بائی پاس کے علاقے کی نگرانی کی اس دوران ایک سڑک پر جانے والے ایک مشکوک ڈمپر کو روک کر اس کی تلاشی لی گئی تو ڈمپر سے مضر صحت اسمگل چھالیہ برآمد ہوئی۔

باخبر ذرائع کے مطابق اسمگلرز مذکورہ ڈمپر کے آگے اور پیچھے 2 گاڑیوں کے ذریعے نگرانی بھی کررہے تھے جنہوں نے چھاپے کے دوران چھاپہ مار ٹیم کے ساتھ جب زبردست مزاحمت کی کسٹمز فورس نے بہادری سے ڈمپر کو قبضے میں لے کر بھاری مقدار میں اسمگل شدہ مضر صحت چھالیہ قبضے میں لی گئی جسے پتھروں کے نیچے چھپایا گیا تھا۔

اوکاڑہ : حویلی لکھا میں ڈکیتی کی واردات

ضبط کیے گئے چھالیہ اور گاڑی کی مالیت 2 کروڑ 25 لاکھ روپے بتائی جاتی ہے، کسٹمز انٹیلی جنس نے اس کارروائی میں ایک ملزم کو گرفتار کرکے مقدمہ درج کرکے تفتیش کا آغاز کردیا ہے، ڈائریکٹوریٹ نے دیگر کارروائیوں میں 4 اسمگل اور ٹیمپرڈ نان کسٹم پیڈ گاڑیاں بھی ضبط کی ہیں جس کی مالیت ڈھائی کروڑ روپے بتائی گئی ہے۔

ڈائریکٹر ایف آئی اے لاہور کی تنخواہ تاحکم ثانی بند کرنے کا عدالتی حکم