راولپنڈی بڑی تباہی سے بچ گیا ،راولپنڈی چکری کے قریب سی ٹی ڈی اور دہشت گردوں کے درمیان شدید فائرنگ کا تبادلہ ہوا جس میں فتنہ الخوارج کے 3 خطرناک نامعلوم دہشت گرد ہلاک اور 2 فرار ہوگئے –
باغی ٹی وی: ترجمان سی ٹی ڈٰ کے مطابق سی ٹی ڈی نے دہشت گردوں کی گرفتاری کے لیے انٹیلی جنس بیسڈ کارروائی کی ، دہشت گردوں نے سی ٹی ڈی ٹیم پر فائرنگ کردی ، فائرنگ کے تبادلے میں 3 دہشتگرد اپنے ہی ساتھیوں کی فائرنگ سے ہلاک ہوئے جبکہ 2 فرار ہو گئے –
ترجمان سی ٹی ڈی کے مطابق دہشت گردوں خودکش جیکٹ ،سیفٹی فیوز وائر ،رائفلیں ،آئی ای ڈی بم ، گولیاں اور بارودی مواد برآمد ہوا
فرار ہونے والے دہشت گردوں کی گرفتاری کے لیے سرچ آپریشن جاری ہے،سی ٹی ڈی ٹیموں نے چکری کے قریب ناکہ بندی کرلی ،ہلاک دہشت گردوں کی شناخت کا عمل جاری ہے ،دہشت گرد راولپنڈی پر بڑے حملے کی منصوبہ بندی مکمل کرچکے تھے –
