جتوئی : کھیتوں میں داخل ہونے پر زمیندار نے گدھی کی 2 ٹانگیں کاٹ دیں،ملزم گرفتار
جتوئی(باغی ٹی وی ) مظفرگڑھ کی تحصیل جتوئی کے علاقے موضع رام پور میں مقامی زمیندار نے اپنے کھیتوں میں پانی پینے کے لیے داخل ہونے والی گدھی کی 2 ٹانگیں کاٹ دی
تفصیلات کے مطابق ضلع مظفر گڑھ کی تحصیل جتوئی میں بے زبان جانور پر سفاکانہ ظلم کا ایک واقعہ پیش آیا ہے ۔جہاں کھیتوں میں پانی پینے کیلئے داخل ہونے والی گدھی پر ظالم زمیندار نے اس بےزبان کی پچھلی 2 ٹانگیں کاٹ دیں،
ایس ایچ او تھانہ جتوئی انضر سکھیرا کیمطابق ملزم نے "کسی” کے وار کرکے گدھی کی ٹانگیں کاٹیں ،پولیس نے گدھی کے مالک بشیر احمد کی مدعیت میں تھانہ جتوئی میں واقعے کا مقدمہ درج کرکے ملزم زمیندار سجاد حسین کو گرفتار کرلیا.
پولیس کا کہنا تھا کہ گدھی کومحکمہ لائیواسٹاک کےذریعے طبی امداد فراہم کی گئی ہے۔
Leave a reply
