اسلام آباد: آرٹیفیشل انٹیلیجنس چیٹ بوٹس کے ذریعے سائبر حملوں کے خدشے کے حوالے سے نیشنل کمپیوٹر ایمرجنسی رسپانس ٹیم نے ایڈوائزری جاری کردی ہے۔
باغی ٹی وی: ایڈوائزری میں کہا گیا ہے اے آئی چیٹ بوٹس کا ذاتی کاموں میں استعمال بڑھ گیا ہے، چیٹ جی پی ٹی ودیگرچیٹ بورڈز معلومات اسٹورکرتے ہیں، اےآئی چیٹ بوٹس کے ساتھ بات چیت میں اکثرحساس معلومات شامل ہوتی ہیں، حساس معلومات کارو باری حکمت عملی یا ذاتی گفتگو لیک ہونے کا خدشہ ہے۔
ایڈوائزری میں بتایا گیا کہ سائبرکریمنلز جدید انجینرئنگ کی جدید ترین تراکیب استعمال کررہے ہیں، سائبرکرمنلز چیٹ بوٹس کی شکل میں فشنگ کی تکنیک بھی استعمال کرتے ہیں، ایسی تکنیک سے صارفین کو دھوکےسے خفیہ معلومات افشاں کرنے پرمجبورکیا جاسکتا ہے،اے آئی چیٹ بوٹس کے سائبر خطرات سے بچنے کیلئے مضبوط فریم ورک کی ضرورت ہے۔
ایڈوائزری میں صارفین سے اپیل کی گئی ہے کہ اے آئی چیٹ بوٹس میں حساس ڈیٹا کا اندراج کرنے سے گریز کریں، اے آئی چیٹ بوٹس کے استعمال کے دوران چیٹ سیونگ فیچرزغیر فعال کریں،اے آئی چیٹ بوٹس کے استعمال کے دوران حساس معلومات پر مبنی گفتگو ہدف کریں،ایڈوائزری میں سرٹ کی کرائسز کمیونیکیشن پلانز بھی مرتب کرنے کی بھی سفارش کی گئی ہے۔
